Studentët në Tiranë protestojnë me tekstet e Unikkatilit në pankarta, reperi u del në përkrahje

Ka tash e sa ditë që studentët në Tiranë po protestojnë përpara Ministrisë së Arsimit dhe institucioneve tjera të shtetit, duke insistuar që kërkesat e tyre të aprovohen.

Kushtet e këqija dhe jeta e shtrenjtë ua kanë vështirësuar jetën studentore, çka edhe është bërë shkas që të ngritet kjo protestë masive në rrugët e kryeqytetit shqiptar.

Lexo po ashtu Qindra studentë drejt Kryeministrisë: Prindërit nesër do të bojkotojnë punën

Në mbështetje të këtyre studentëve kanë dalë edhe emra të shumtë nga sporti dhe muzika.

Reperi i njohur shqiptar, Unikkatili, me të parë që disa nga studentët po protestojnë me pankarta, në të cilat janë shkruar një pjesë e tekstit të një prj këngëve të tij, ka vendosur që të njëjtën ta ndajë me ndjekësit e tij në rrjetin social Instagram.

https://www.instagram.com/p/BqvD6zfHNVJ/

Bëhet fjalë për tekstin e këngës “Qëndro” – këngë në të cilën citohen fjalët: “Po më dhemb kryet, lot pikojnë prej ditës që e gjeta; Fakti që shqiptari merr lajmi në analfabeta”.

Ndërkohë, reperi u ka dhënë mbështetje studentëve në fjalë, duke shkruar në Instagram që ata të mos dorëzohen drejt këtij qëllimi për të cilin janë nisur.

https://www.instagram.com/p/BrQZ5B-Hi0Y/

“Forca studentë!! Kur fillon politikani me iu frikësu popullit, atëherë shteti ecë si duhet!! Mirëpo, mos lejoni parti tjera me rrasë hundën këtu”, ka shkruar Unikkatili.

Në banderolat e studentëve ishin të shkruara gjithashtu tekstet e këngëve “1 milion rrugë”, “Për qato”, etj. /Telegrafi/