Në natën e fundit të festivalit “Mitrovica Guitar Days”, studentët e talentuar morën pjesë në masterklase dhe morën certifikatat e tyre.
“Mbrëmë, studentët e talentuar që morën pjesë në masterklasa patën momentin e tyre për të shkëlqyer në skenë! Pas ditëve të punës së palodhur dhe mësimeve, ata shfaqën progresin e tyre përpara një publiku entuziast”, thuhet në njoftimin e festivalit “Mitrovica Guitar Days”.
Këta studentë gjithashtu kanë marrë edhe dhurata, e po ashtu edhe u inkurajuan që t’i ndjekin ëndrrat e tyre muzikore, shkruan Telegrafi.
“Çdo student mori certifikatën e merituar, së bashku me dhurata të veçanta si tela dhe akordues, duke i inkurajuar që të ndjekin ëndrrat e tyre muzikore”, thuhet tutje në njoftim.
Festivali “Mitrovica Guitar Days” filloi të premtën e 6 shtatorit, ku në natën e parë përformoi artistja me prejardhje spanjolle, Anabel Montesinos/Telegrafi/
