Thomas Strakosha është futur në vitin e fundit të kontratës me skuadrën italiane Lazio.
Portieri shqiptar nuk ka pranuar ende vazhdimin e kontratës, përkundër që Lazio i ka ofruar rinovimin.
Shumë skuadra të njohura janë duke monitoruar situatën e shqiptarit dhe duan transferimin e tij në afatin kalimtar veror si transferim të lirë.
Edhe pse u përfol për një marrëveshje në parim mes tij dhe Lazios, është Interi që është futur në lojë për shqiptarin.
Drejtori i përgjithshëm i Neroazzurëve, Giuseppe Marotta e pëlqen shumë shqiptarin dhe po kërkon transferimin e tij në Giuseppe Meazza.
Strakosha ndodhet në listën e Marottas së bashku me portierin e Ajaxit, Andre Onana si zëvendësues adekuat të Samir Handanovicit.
Portieri slloven po e luan sezonin e fundit te Interi dhe në verën e vitit 2022 pritet të largohet nga kampioni në fuqi i Italisë. /Telegrafi/
