“Stop operacionit Soros” publikoi disa OJQ që sipas tyre financohen nga Sorosi

Lëvizja qytetare “Stop operacionit Soros” (SOS) sot kanë publikuar disa organizata joqeveritare, që sipas tyre kanë marrë shuma të majme parash nga George Soros. Mes organizatave që ata i përmendën është edhe Komiteti i Helsinkit, Qendrën për arte bashkëkohore dhe të tjera, përcjell Telegrafi Maqedoni.

“Komiteti i Helsinkit është mirë i njohur për të gjithë, ata luftojnë për mbrojtje të të drejtave të njeriut, ndërsa në realitet bëhet fjalë për organizatë të partizuar dhe të politizuar. Njerëzit e tyre të parë siç janë, Gordan Kallajshiev, Uranija Pirovska dhe Mirjana Najçevska gjithmonë janë të parët në protestat e LSDM-së dhe pas kësaj insistojnë të trajtohen si organizata të pavarura dhe neutrale”, deklaroi Cvetin Çilimanov, nga SOS.

Ai gjithashtu tha se edhe në disa organizata më të vogëla, gjithashtu hudhen shuma milionëshe nga fondacioni i shoqërisë së hapur.

Organizatat tjera që nga SOS i përmendën janë: Infocenter, Metamorfozis, Fokus Veles, Fakulteti për punë që nuk mësohe, Aqua Struga, Organizata e grave në Komunën e Strumicës dhe të tjera. /Telegrafi/