Stafi i Italisë të befasuar me formën dhe linjat e Balotellit

Mario Balotelli ishte një ‘befasi e këndshme’ për ndihmësin e Roberto Mancinit, Attilio Lombardo, pas grumbullimit me Kombëtaren e Italisë.

U ngritën vetullat e të gjithëve kur Balotelli u ri-ftua në skuadrën e Italisë nga Mancini në përgatitjet për ‘play-off’ të Kupës së Botës “Katar 2022”.

Balo ka gjetur formën e shënimit të golave në Turqi me Adana Demirspor, duke gjetur rrjetën nëntë herë dhe duke shtuar pesë asistime në 21 paraqitje në të gjitha garat për klubin këtë sezon.

Tani që kampi treditor i stërvitjes në Coverciano ka përfunduar, ndihmës menaxheri i Italisë, Lombardo, shpjegoi se sa shumë e kishte befasuar ‘SuperMario’.

Lexo po ashtu Zyrtare: Balotelli rikthehet në skuadrën Italisë pas mungesës trevjeçare

“Ai ka humbur shumë peshë, nuk e di nëse ishte për shkak se ai u kontraktua me COVID-19 apo çfarë”, ka thënë fillimisht Lombardo për RAI Sport.

“Nuk e kisha parë për një kohë të gjatë, pasi është më e vështirë të gjurmosh përparimin e tij tani kur ai luan jashtë vendit”.

“Sinqerisht nuk e prisja ta shihja në një formë kaq të mirë, ishte një befasi e këndshme”, përfundoi ndihmësi i Mancinit.

Lexo po ashtu Mancini: Balotelli nuk duhet të na premtojë asgjë, ashtu sikurse ne që nuk i bëjmë premtime

Balotelli ka 14 gola në 36 ndeshje me Italinë, por nuk ka luajtur për Azzurrët që nga barazimi 1-1 i Ligës së Kombeve me Poloninë në shtator të vitit 2018.

Goli i tij i fundit ishte në një fitore 2-1 në miqësore ndaj Arabisë Saudite në maj të 2018.

Çuditërisht, ky ishte edhe debutimi i ish-trajnerit të Balotellit te Interit dhe Manchester Cityt, Mancini, në stolin e Azzurrëve. /Telegrafi/