Spurs, leksione për Memphisin, Jazz fitore në sekondën e fundit ndaj Clippers (Video)

San Antonio Spurs ka realizuar fitore të madhe në shtëpi ndaj Memphis Grizzlies me rezultat 111-82 për të nisur me fitore rrethin e parë të playoffit.

Çereku i parë ishte i mysafirëve që krijuan madje një epërsi prej mbi 10 pikësh, por Spurs të udhëhequr nga Leonard u rikthyen në këtë takim.

Më i miri te Spurs ishte Leonard me 32 pikë, 3 kërcime, 5 asistime dhe 2 topa të vjedhur, i ndihmuar nga Aldridge me 20 pikë dhe Tony Parker me 18 pikë.

Marc Gasol i cili u përball me vëllain e tij Pau shënoi 32 pikë që ishin të pamjaftueshme për Memphisin për të shmangur debaklin.

Nga ana tjetër 26 pikët e Blake Griffin dhe 25 pikët e Chris Paul nuk ndihmuan Clippers që të triumfojnë në çastet e fundit ndaj Utah Jazz që realizuan me anë të Johnson në sekondat e fundit.

Johnson pikërisht ishte më i miri nga banka me 21 pikë, kurse Gordon Hayward shëoi double double prej 19 pikësh e 10 kërcimesh.

Kështu, në ndeshjet e para Spurs dhe Jazz krijojnë avantazh të rëndësishëm, teksa ndeshjet e dyta zhvillohen sërish në AT&T Center dhe Staples Center. /Telegrafi/

https://www.youtube.com/watch?v=xPxdBbufn8M

https://www.youtube.com/watch?v=GusZHA9ucjU