Spasovski: Pres që Grujevski dhe Boshkovski të dalin para drejtësisë në Maqedoni

Ministri i punëve të brendshme, Oliver Spasovski sot deklaroi se pret që ish-shefi i Drejtorisë së pestë në MPB, Goran Grujovski dhe i punësuari në DSK, Nikolla Boshkovski, të cilët u arrestuan në aeroportin e Selanikut, të kthehen në Maqedoni, por gjithashtu të zbulohen edhe personat që iu kanë ndihmuar të arratisen.

“Unë pres që ata të kthehen në Republikën e Maqedonisë dhe se do të dalin para drejtvsisë në Maqedoni. Drejtësi për secilin në Maqedoni duhet të ketë dhe secili duhet të përgigjet për veprat e bëra në këtë shtet. Dhe ne në atë drejtim do të punojmë pa kompromis”, tha Spasovski.

I pyetur se kur kanë ikur Grujovski dhe Boshkovski, ministris Spasovski tha se ajo ka ndodhur me siguri para se Gjykata e apelit t’i sjellë vendimet për arrestimin e tyre.

Ministri nuk informoi për atë se kush kanë qenë ndihmësit e tyre duke theksuar se këto të dhëna nuk mund të publikohen sepse prokuroria ende punon në këtë rast. Sipas Spasovskit nuk është me rëndësi vetëm Grujovski dhe Boshkovski të kthehen në vend, por edhe të zbulohet se kush iu ka ndihmuar të dalin nga Maqedonia dhe cila ka qenë logjistika në periudhën e mëpasme./Telegrafi/