Spalletti: Nuk gjej fjalë për ta përshkruar këtë situatë

Luciano Spalletti nuk është aspak i lumtur me formën aktuale të skuadrës së tij.

Interi ka tetë ndeshje që nuk fiton në Serie A dhe ka dalë jashtë garës për titull të kampionit.

‘Neroazzurrët’ së fundmi barazuan në shtëpi 1-1 me Crotonen edhe pse ishin në epërsi në pjesën më të madhe të ndeshjes.

“Nuk jam shumë i shqetësuar, por nuk gjej fjalë të përshkruajë këtë situatë. Skuadra luan, angazhohet shumë, por nuk arrijmë të reagojmë atëherë kur duhet”.

“Nuk fitojmë prej kohësh pasi nuk arrijmë të prodhojmë lojë. Jemi bërë një skuadër për të qarë hallin edhe pse punojmë fort çdo ditë”, deklaroi Spalletti.

Tutje trajneri italian ka thënë se lojtarëve ju mungon besimi dhe karakteri i tyre është i dobët.

“Nuk jemi më si dikur, kemi nisur të humbasim shkëlqimin dhe besimin edhe pse ndaj Crotone luajtëm mirë dhe nuk i dhamë shumë hapësira kundërshtarit”.

“Na mungon besimi në forcat tona dhe sapo dalin problemet e para në fushë dorëzohemi, pasi karakteri është i dobët dhe kemi frikë, gjëra që nuk na ndodhnin disa muaj më parë”, u shpreh Spalletti.

Aktualisht Interi zë pozitën e katërt në tabelë me 45 pikë të grumbulluara.

Në ndeshjen e radhës skuadra zi kaltër do të luajë përsëri si vendas i Bolognas. /Telegrafi/