Sot pritet të mbahet takimi i shumëpritur Modric-Perez

Një takim i së premtes është vendosur të mbahet në mes të yllit kroat, Luka Modric dhe presidentit të Real Madridit, Florentino Perez.

E ardhmja e kroatit Modric është në udhëkryq dhe ka pasur shumë thashetheme rreth të ardhmes së tij.

Sipas disa mediave, lojtari më i mirë i Botërorit “Rusia 2018” ka marrëveshje personale me Interin dhe dëshiron largimin nga Bernabeu.

Lexo po ashtu Interi ka marrëveshje me Modricin, e pret takimin e tij me Realin

Por, klubi mbretëror shpreson ta mbaj lojtari edhe për këtë sezon duke tentuar joshjen me ndonjë pagë më të lartë.

Sipas gazetës spanjolle Marca, zyrtarët e Real Madrid do të takohen sot (e premte) me përfaqësuesit e Luka Modric pas raporteve të interesimit të Interit.

Klubi i Serie A ka qenë i lidhur me një lëvizje të jashtëzakonshme për yllin e Kroacisë, por Madridi ka mohuar ndonjë interes në ndarjen me të.

Lexo po ashtu Real Madridi i shpall luftë Interit shkaku i agjentëve të Modricit - Lojtari gjithmonë e më larg mbretërve, e mërkura deçizive

Përfaqësuesit e klubit dhe Modric do të takohen për të diskutuar një kontratë të re, me shpresën qo do ta bindin dhe nuk do ta lejojnë largimin e tij sikurse atë të Cristiano Ronaldos.

Në anën tjetër, në kampin Nerazzurr janë të bindur se kroati dhe përfaqësuesit e tij ia kanë dhënë fjalën për një transferim dhe sot pritet t’ia bëjnë me dije dëshirën për largim edhe presidentit Perez. /Telegrafi/