Sot mund të jetë ditë e madhe për Milanin – RedBird pritet ta marrë klubin nën pronësi

Sipas La Gazzetta dello Sport, RedBird Capital Partners mund të njoftojë blerjen e Milanit sot pasi Gerry Cardinale është në Milano për të vënë në letër marrëveshjen me Elliott.

Të dy palët besohet se kanë shtrënguar duart për një marrëveshje prej 1.3 miliardë euro që do të shohë pronarët aktualë të Milanit, Elliott, t’i shesin kampionët e Serisë A te RedBird Capital Partners, të cilët, ndër të tjera, janë aksionerët pakicë te Liverpooli.

Cardinale, Drejtori Menaxhues i fondit amerikan, ndodhet tashmë në Milano dhe sot duhet të nënshkruajë një marrëveshje paraprake. Sipas La Gazzetta dello Sport, mund të ketë edhe një njoftim zyrtar.

Lexo po ashtu Të gjitha lajmet nga AC Milan

Cardinale ishte në Milano javën e kaluar për të festuar Scudetton e Milanit dhe u kthye dje për të nënshkruar dokumentet dhe për të përfunduar blerjen e klubit.

Pronarëve të rinj do t’u duhen edhe dy muaj për të marrë kontrollin e plotë të klubit, por Cardinale është tashmë operativ dhe pritet të takohet me Paolo Maldinin në fund të kësaj jave për të diskutuar planet e transferimit të klubit për verën. /Telegrafi/

Gazzetta – Milan a RedBird, annunci imminenti. Poi due mesi per insediamento e piani di mercato https://t.co/2l42BIIWfQ

— MilanNews.it (@MilanNewsit) May 31, 2022