Sot ka ditëlindjen Ramadan Krasniqi-Dani (Video)

Vital, me shumë elan e vullnet për punën, me bagazh prej më se 40 albumesh muzikore, me dhjetëra hite të pavdekshme, një prej mbretërve të muzikës tonë Ramadan Krasniqi – Dani, sot mbushë 58 vijet.

Kush nuk e njeh më Ramadan Krasniqin-Danin, i lindur në Pejë, më 5 gusht të vitit 1958, i cili këndon me aq afsh e dashuri, duke u bërë i dashur dhe i adhuruar për pleq e të rinj dhe për çdo gjini.

Më 45 vjet punë, Dani që moti nuk është vetëm i Pejës dhe i Dukagjinit, por i mbarë njerëzimit, sepse zëri i tij arrin të depërtoj tek çdo njeri që ka pak shije dhe kritere për muzikë.

Me kontributin e tij në vazhdimësi, Dani edhe sot e tutje vazhdon karrierën, i orientuar në këtë sezon vere në dasma, ahengje e gëzime familjare.

Me krejt bagazhin e tij ndër dekada, Dani vazhdon të mbetet personalitet që shënon fuqishëm kohën e vet.

Sot në përvjetorin e ditëlindjes së 58-të, kur Dani ka marrë qindra mesazhe urimi, nga njerëz të thjeshtë, artist, miq, adhurues e ku nuk kanë munguar as urimet nga politikan të vendit.

Edhe Telegrafi i bashkohet urimit më të mirë për Danin

“Jetofshë me shëndet edhe shumë e shumë vite. Të na dhurosh këngë siç di ti”.