Nuk ka gjasa që ukrainasi Yevgeny Stipanyuk, të harrojë që t’i urojë gruas përvjetorin e martesës!
Ai u martua saktësisht në ditëlindjen e tij, që ndryshe në po atë ditë festohet edhe dita e mbrojtëse dhe dyshja ndërruan unazat në vijën e frontit në Kharkiv.
As partnerja e tij nuk është një vajzë e zakonshme. Dashuri të pafundme i premtoi spajperistes Yegney Emerald, që është pjesë e ushtrisë ukrainase dhe njihet me emrin e koduar Jovanka Orleanka.
Ceremonia e martesës është mbajtur në pyll, e mysafirët e vetëm ishin kolegët e tyre ushtarë – ndërsa i martoi një gjeneral i paemëruar, transmeton Telegrafi.
Snajperistja e re shkëlqente në fustanin e saj të bardhë derisa dhëndri ishte në uniformë ushtarake. Fotografitë e dasmës së pazakontë janë shpërndarë në rrjetet sociale, e përmes Instagramit është deklaruar edhe Yevgeny.
“Sot zyrtarisht jam bërë gruaja e ushtarit. Nuk kam mundur të paramendojë martesë më të bukur! Është një ditë e veçantë”, shkroi snajperistja – duke shtuar se ceremonia martesore ishte e shpejtë dhe modeste.
Dyshja janë njohur në vijën e frontit pak pas fillimit të pushtimit rus në Ukrainë. Ndërkaq në gusht njoftuan se janë fejuar.
Në profilin e saj në Instagram, mund të shihet se para fillimit të pushtimit rus në Ukrainë, ka qenë një vajzë e rëndomtë, merrej me bizhuteri, por brenda nate gjithçka ndryshoi tek ajo.
Qysh në ditën e parë të luftës pozoi me armë në kuzhinë dhe shkroi se synon të qëndrojë dhe të luftojë, dhe se nuk mbështet ata bashkëkombës që me të dëgjuar shpërthimin e granatave të para, paketuan valixhet dhe u larguan. /Telegrafi/
