Skuadra e largoi pasi nuk besoi në të, por sulmuesi shqiptar dëshiron t’iu shënoi dhe t’i largojë nga liga e parë

Armando Sadiku u huazua nga Zurichu te Vaduzi, ndërkohë që sulmuesi i Kombëtares analizon situatën e ish skuadrës së tij për ticinonews.ch duke theksuar se Zurichu ka bërë shumë gabime për të cilat po paguajnë.

24-vjeçari ka thënë se nëse i jepet rasti do t’i shënoi gol ish-skuadrës së tij për ta larguar nga liga.

“Janë bërë shumë gabime te Zurichu pasi janë larguar disa lojtarë të cilët nuk janë zëvendësuar me elementët e duhur. Nuk më takon mua të them nëse do t’i duhesha skuadrës së Zurichut, vetë klubi më kërkoi të largohesha. Tani të kjo skuadër gjërat po shkojnë keq, kush ka faj le ta paguajë.”

Sulmuesi i Kombëtares është nën kontratë me Zurichun dhe pas përfundimit të këtij kampionati do të rikthehet sërish tek ish-skuadra e tij, ku ai thekson se nuk i kanë dhënë besimin e duhur.

“Në Zurich nuk jam ndier në asnjë moment i rëndësishëm dhe kurrë në më dhanë besim. Nëse gaboja në një ndeshje, në tjetrën isha jashtë. Kanë bërë shumë gabime por ky është realiteti. Atje janë të bindur se ma kanë dhënë mundësinë për të treguar sesa vlej, por unë besoj se kjo nuk ka ndodhur”

Sadiku është profesionist dhe jep më të mirën për Vaduzin, por ka edhe një dëshirë: “Unë jap gjithçka aty ku ushqehem. Nuk ka asnjë dyshim, do të bëj më të mirën për Vaduzin dhe nëse do të më jepet mundësia për të shënuar, do ta bëj. Shpresoj që ta kemi siguruar mbijetesën më parë, që të mos udhëtoj fare drejt Zurichut”.

Në fund ka diçka edhe trajnerin e Zurichut: “Ai nuk e njeh futbollin zviceran. Problemi më i madh nuk ishte ky, por niveli i komunikimit. Hypia nuk më lejonte që të flisja italisht me Chiumiento dhe Nef. Mos vallë duhet ta harronim këtë gjuhë”, përfundon Sadiku. /Telegrafi/