Sport Futboll Ndërkombëtare

Situatë e shëmtuar te Belgjika dhe Thibaut Courtois është në qendër të saj

Para 4 ore

Kombëtarja e Belgjikës përballet me Ukrainën në ndeshjet e Ligës së Kombeve.

Në janar, Belgjika ndryshoi trajnerin e saj. Domenico Tedesco u shkarkua dhe Rudi Garcia e zuri vendin e tij. Ndeshja kundër Ukrainës do të shënojë debutimin e tij zyrtar si trajner i Belgjikës.

Ndryshimi i trajnerit çoi gjithashtu në ndërrime mes lojtarëve. Thibaut Courtois është shprehur hapur se është gati të rikthehet në kombëtare. Ai humbi Euro 2024 për shkak të një konflikti me Tedescon.

Megjithatë, ardhja e Garcias nuk i ka zgjidhur të gjitha tensionet brenda skuadrës belge. Mosmarrëveshjet dhe pakënaqësitë vazhdojnë ende në ekip. Ja çfarë ndodhi dhe si filloi gjithçka.

Portieri Koen Casteels ka njoftuar tërheqjen e tij nga futbolli ndërkombëtar. Ai ishte portieri i parë i Belgjikës në Euro 2024, duke luajtur të katër ndeshjet e skuadrës në Gjermani. Belgjika arriti në fazën e 16-të, ku u eliminua nga Franca.

Mungesa e Courtois mund t’i ketë hapur derën Casteels për t’u bërë portieri kryesor i Djajve të Kuq. Megjithatë, pasi mësoi për rikthimin e Thibaut në kombëtare, ai vendosi të largohej. Ai e shpjegoi vendimin e tij në detaje gjatë një paraqitjeje në podcastin MidMid.

“Së pari, më duket e çuditshme që Courtois vendosi të kthehet. Dhe më duket e çuditshme që federata ndryshoi qëndrimin e saj. Për mua, të gjithë janë të barabartë – asnjë lojtar nuk është më i madh se ekipi”, deklaroi ai.

“Kjo është ajo që u tha në fillim, por tani federata praktikisht ka hapur tapetin e kuq për të. Së fundmi, kam dëgjuar Courtois të thotë se shkarkimi i Tedescos dëshmon se ai kishte të drejtë. Për mua, kjo tregon se ai vështirë se ndjen ndonjë faj”.

“Kjo nuk përputhet me standardet dhe vlerat që unë i konsideroj të pranueshme në sportet ekipore. Nuk mund të jem pjesë e një organizate që fal një sjellje të tillë. Nga ky moment nuk jam më i disponueshëm për kombëtaren. Nuk mund t’i bashkohem kampit të Kombëtares me ndërgjegje të pastër”.

“Ka shumë lojtarë që nuk pajtohen me këtë. Jam kurioz të shoh se çfarë do të thonë ata. Ky nuk ishte vetëm një mosmarrëveshje mes Courtois dhe Tedesco – u tha gjëra të tjera që më prekën gjithashtu”, potencoi më tej Casteels.

Të nesërmen, portieri i dha zyrtarisht lamtumirën kombëtares së Belgjikës në rrjetet e tij sociale.

Tifozët kanë treguar mbështetjen e tyre për Casteels dhe tani janë në pritje të një faljeje nga Courtois.

Courtois dhe Casteels kishin qenë konkurrentë edhe para fillimit të karrierës së tyre të lartë.

Federata belge e Futbollit iu përgjigj me shpejtësi fjalëve të portierit duke lëshuar një deklaratë: “Sot, ne u informuam për vendimin e Koen Casteels për t’u tërhequr nga futbolli ndërkombëtar me Djajtë e Kuq. Ndërsa na vjen keq për zgjedhjen e tij, duam të falënderojmë sinqerisht Koen për vitet e tij të përkushtimit dhe momentet që ndamë së bashku”.

Konflikti me Tedescon shpërtheu për shiritin e kapitenit në qershor të 2023. Portieri u mërzit që trajneri ia besoi Romelu Lukakut në vend të tij dhe u ndje i pa respektuar nga Domenico.

Romelu Lukaku, i cili u tërhoq edhe në konflikt me trajnerin nga Courtois, deklaroi se fajtor për situatën është Federata belge e Futbollit.

Lëndimet e lojtarëve kryesorë dhe konfliktet e dëmtuan Belgjikën. De Bruyne dhe Lukaku madje kërkuan që të mos thirreshin për kampin e tetorit. Si rezultat, performanca e Belgjikës në Ligën e Kombeve 2024/25 ka qenë më e keqja në historinë e turneut. Skuadra përfundoi e treta në grupin e tyre dhe tani përballet me Ukrainën në një play-off për të ruajtur vendin e tyre në Ligën A. /Telegrafi/