Situata kaotike në aeroportin e Kabulit, tanimë raportohet për pesë të vdekur

Pesë persona mendohet të kenë vdekur gjatë përpjekjeve të dëshpëruara për të ikur nga talebanët, mes kaosit në aeroportin e Kabulit.

Sipas mediave të huaja, përcjell Telegrafi, imazhet treguan njerëz që përplaseshin mbi një portë të ngritur për të arritur aeroplanët, me një numër viktimash që shiheshin të rrëzuara në katin e poshtëm – gjë që Sky News e lidhi me pesë vdekje.

Ndërkohë Qeveria Britanike ka pranuar se mund të duhen javë për të nxjerrë të gjithë nga aty, ndërsa vendasit kanë bërë përpjekje gjithnjë e më të dëshpëruara për të ikur nga militantët islamikë.

Lexo po ashtu Zëdhënësi i talebanëve telefonon gazetaren e BBC-së derisa ajo ishte në transmetim të drejtpërdrejtë - ja çfarë thotë ai

Presidenti është larguar nga Afganistani, ndërsa helikopterët ushtarakë amerikanë kanë “vjedhur” diplomatët nga aeroporti, ku shumë janë fshehur.

Ndërkohë, Sekretari Britanik i Mbrojtjes Ben Wallace pranoi të hënën në mëngjes se talebanët janë në kontroll të vendit, por përjashtoi mundësinë e kthimit të trupave.

Wallace la të kuptohej se do të duheshin javë për të evakuuar këdo që Qeveria dëshiron të ndihmojë. /Telegrafi/