Shëndetësi Psikologji

Si sillet një pedofil dhe si të flasim me fëmijët për këtë gjë?

Para 4 vitesh

Prindërit shpesh përpiqen të kuptojnë se si duket një pedofil! Çfarë pamje ka? Çfarë karakteristikash ndryshe nga njerëzit e tjerë të zakonshëm?

Fatkeqësisht, e vërteta është se ata nuk duken ndryshe nga askush tjetër, as nga unë, as nga ti, nga askush…Si prindër, ne të gjithë duam t’i mbrojmë fëmijët tanë nga këta monstra, por si t’i mbajmë fëmijët të sigurt kur nuk dimë si t’i dallojmë këto specie njerëzish. Çdokush mund të jetë një pedofil, kështu që identifikimi i tyre mund të jetë shumë i vështirë. Mund të jetë një fqinj në lagjen ku jetojmë, një prift në kishën afër shtëpisë, një i afërm i prindërve, një person në fisin tonë, çdokush!

Abuzuesit e fëmijëve vijnë nga të gjitha sferat e jetës dhe nga të gjitha grupet socio-ekonomike. Ata mund të jenë burrë ose grua, të pasur ose të varfër, të punësuar ose të papunë, fetarë ose jo-fetarë, të arsimuar ose të pa arsimuar, ka shumëlloje karakteristikash.

Ka një detaj të cilit duhet t’i kushtoni rëndësi, sidomos nëse jeni prind: me kalimin e ditëve apo muajve një person që ka tentativa për të abuzuar me fëmijën tuaj fillon dhe bëhet gjithnjë e më i besuar për familjen tuaj, vendos të marrë pozitat e mikut, duke u afruar me role të ndryshme…Herë si babagjysh duke i sjellë lodra fëmijëve tuaj, herë i merr të vegjlit tuaj për pazar ose udhëtime, ose të kalojë kohën me ta në mënyra të tjera. Shumë pedofilë nuk fillojnë të abuzojnë me një fëmijë deri sa të fitohet besimi.

Karakteristikat:

• Pedofilët kërkojnë fëmijë që janë të prekshëm nga taktikat e tyre sepse u mungon mbështetja emocionale ose nuk po marrin vëmendje të mjaftueshme në shtëpi nga prindërit. Ose në raste të tjera përpiqen të bindin prindërit se fëmijët e tyre janë të sigurt me ta.

• Disa pedofilë gjurmojnë fëmijët me prindër të divorcuar, që nuk kanë shumë mbikëqyrje ose i bindin prindërit se ata janë njerëz mjaft të mirë për t’u kujdesuar për fëmijët e tyre.

• Një pedofil shpesh përdor një sërë lojërash, aktivitetesh dhe gjuhë tjetër për të fituar besimin ose për të mashtruar një fëmijë. Këtu përfshihen: mbajtja e sekreteve (sekretet janë të vlefshme për shumicën e fëmijëve, duke u parë si diçka “e rritur” dhe burim i fuqisë), lojëra të qarta seksuale, përkëdhelje, puthje, prekje, ekspozimi i një fëmije ndaj materialit pornografik, ryshfet, lajka dhe më e keqja nga të gjitha u japin dashuri. Jini të vetëdijshëm që këto taktika përfundimisht përdoren për të izoluar dhe ngatërruar fëmijën tuaj.

• Sigurohuni që fëmija juaj nuk di si të dërgojë një fotografi tek një person që ai ose ajo e ka njohur në internet, ose të takojë dikë që ai ose ajo po komunikon me internet.

• Dijeni që fëmijët shpesh janë të fshehtë në lidhje me sjelljen në internet, veçanërisht kur inkurajohen nga të tjerët të mbajnë sekrete, kështu që do t’ju duhet të tregoheni vigjilentë për të qëndruar të përfshirë në aktivitetin në internet të fëmijës tuaj.

• Pedofilët do t’u kërkojnë fëmijëve të mbajnë diçka të fshehtë nga prindërit e tyre.

• Meqenëse fëmijët që nuk marrin shumë vëmendje janë veçanërisht të arritshëm nga abuzuesit, sigurohuni që po kaloni shumë kohë me fëmijën tuaj dhe se ai ose ajo ndjehet i mbështetur. Merrni kohën që ju duhet që të bisedoni me fëmijën tuaj çdo ditë dhe të punoni drejt ndërtimit të një marrëdhënie të hapur besimi.

• Shprehni interesim për të gjitha aktivitetet e fëmijës suaj, përfshirë shkollën, studimet jashtëshkollore, pasionet dhe interesat e tjera.

• Lëreni fëmijën tuaj ta dijë se ai ose ajo mund t’ju tregojë çdo gjë dhe se ju jeni gjithmonë jeni të gatshëm të flisni me ta.

• Mësojini fëmijës tuaj që askujt nuk i lejohet ta prekë atë në zonat intime. Shumë prindër i përkufizojnë zonat private si ato që do të mbulohen nga një kostum banje.

• Thuajini fëmijës tuaj të thotë “JO” dhe të largohet nëse dikush përpiqet ta prekë atë në zonën intime.

• Thuajini fëmijës tuaj të vijë menjëherë tek ju nëse dikush e prek atë në mënyrën e gabuar.

Të jesh sa më i përfshirë në jetën e fëmijës suaj është mënyra më e mirë për t’i mbrojtur ata nga pedofilët. Ata do të kërkojnë një fëmijë të pambrojtur dhe i cili nuk merr shumë vëmendje nga prindërit e tij ose të saj ose do t’i bindë prindërit se ata nuk kanë asnjë rrezik për fëmijën e tyre.

Shumë prindër përdorin metodën e “prekjes së mirë, prekjes së keqe, prekjes së fshehtë”. Kjo përfshin mësimin e fëmijës tuaj që ka disa prekje të përshtatshme, si në fytyrë apo faqe, por ka edhe disa prekje prekje të padëshiruara ose “të këqija”, si shpullat apo prekjet nga mbrapa dhe ka edhe prekje të fshehta, të cilat janë prekje që fëmijës i thuhet t’i mbajë sekret.

Përdorni këtë metodë ose një tjetër për të mësuar fëmijën tuaj që disa prekje nuk janë të mira dhe kur këto ndodhin, ai ose ajo duhet t’ju tregojë menjëherë, këshillon Class.

Mos harroni se gjëja më e rëndësishme që mund të bëni për të mbrojtur fëmijën tuaj është t’i kushtoni vëmendje. Vlerësoni nevojat dhe dëshirat e tyre, bisedoni me ta dhe në thelb, thjesht bëhu prindi më i mirë që mund të keni mundësi.