Veshje e preferuar për ditët e ftohta të vjeshtës

Një nga pjesët më të bukura të veshjeve të vjeshtës është pa dyshim palltoja prej lëkure.

Sidoqoftë, megjithëse duket shumë tërheqëse dhe e shtrenjtë, gratë shpesh heqin dorë nga blerjet, sepse nuk janë të sigurta me çfarë mund ta veshin, transmeton Telegrafi.

Këtu janë disa nga sugjerimet më të mira:

1. Palltoja e lëkurës + fustani i thurur

Fustanet e thurura janë veshje e përsosur të cilën mund ta bartni nën pallto lëkure, ndërkaq pjesë e pandashme e kombinimit le të jenë edhe çizmet e gjata. Nga detajet krejtësisht të mjaftueshme janë syzet mbresëlënëse të diellit dhe çanta e thjeshtë.

2. Palltoja e lëkurës + pulovri, këmisha dhe pantallonat

Ju propozojmë kombinimin e përhershëm të modeleve të përsosura të pantallonave, këmishës së bardhë dhe pulovrit të bukur. Perfekt do të kombinohen çizmet ushtarake dhe një çantë e mirë shpine.

3. Palltoja e lëkurës + teksas

Pallton e lëkurës visheni mbi xhinse dhe fanellë të zezë me fyt, ndërsa kombinimin përfundojeni me çizme të mira lëkure. Me këtë lloj veshjeje nuk keni nevojë për asgjë më shumë sesa një çantë lëkure të zezë dhe syze të zeza. /Telegrafi/