Shweini dëshiron ta shoh Neymarin me fanellë të Bayernit

Bastian Schweinsteiger nuk beson se ish-klubi i tij Bayern Munich duhet të ndryshojë shumë, edhe nëse gjigantët gjermanë do të shtojnë titullin e Bundesligës në këtë sezon.

Mesfushori i njohur gjerman ka dhënë një këshillë për ish-skuadrën e tij, Bayern Munich, për një transferim të madh veror.

Nëse Schweini do të ishte drejtor sportiv për një ditë, ai e di se kënd do të donte të sillte për ta kthyer ekipin në lavdinë e tyre të trefishtë.

Lexo po ashtu ​Mediat spanjolle: Neymar nuk mund të shitet

“Kjo është e vështirë, por nëse më pyetni se çfarë lloj lojtari do të dëshiroja të shihja në fanellën e Bayern Munichut, ndoshta do të thosha se do të dëshiroja ta shihja Neymarin në një fanellë të Bayernit. Por, nuk e di nëse ai dëshiron”, ka thënë fillimisht Schweinsteiger për Goal në një intervistë ekskluzive të premten.

“Në të vërtetë, unë jam edhe një tifoz i Neymarit. Jo vetëm për stilin e tij të lojës, por edhe personalitetin e tij. Ai është tipik brazilian. Ka një zemër të madhe”, transmeton Telegrafi.

“Shpresoj se ai një ditë do të jetë lojtar i vitit në botë dhe i uroj atij gjithçka të mirë”, përfundoi mesfushori i njohur gjerman.

Lexo po ashtu Neymar provon disa driblime, por e pëson keq dhe bëhet hit në rrjetet sociale (Video)

Schweinsteiger ka sugjeruar që Neymar të bashkohet me shokët e Brazilit, Douglas Costa dhe Rafinha, si dhe mesfushori spanjoll-brazilian Thiago Alcantara, pasi Neymar është i lidhur ngushtë me Manchester Unitedit – i njëjti klub me të cilin Schweinsteiger sapo duroi një ferr personal.

Gjermani dhe Neymari në të vërtetë kanë një miqësi të pamundur në vitet e fundit. Duke u përballur me yllin brazilian në nivel ndërkombëtar, Schweinsteiger zhvilloi një admirim për aftësitë dhe personalitetin e tij të lirë. /Telegrafi/