Shtatë këshilla për trukun dimëror

Tendencat e grimit për këtë dimër bëjnë fjalë për një lëkurë të përkryer, si porcelan dhe për një truk jo shumë flakërues, por të realizuar me rregulla arti.

Verona Raçi
“Verona”, Hair & Make-up Studio
tel. 045 855 888

Kemi përcaktuar për ju shtatë këshilla që do t’ju tregojnë metodën për të bërë një truk të përkryer.

Para bazës, pastroni fytyrën
Nëse doni të përftoni një efekt përkryer mbi të lëkurë, është e rëndësishme së pari ta pastroni fytyrën dhe vetëm pas kësaj vijoni me bazën. Pastrimi siguron transparencë dhe kompaktësi. Pas kësaj baza e zgjedhur duhet të respektojë tonalitetin natyral të ngjyrës së lëkurës dhe të mos jetë as më i çelur e as më i errët.

Preferoni grim që zgjat
Për grim dimëror është gjithnjë më e mira të zgjidhni produkte që rezistojnë gjatë mbi lëkurë, në mënyrë që të keni një truk perfekt gjatë gjithë ditës dhe të mos keni nevojë ta ribëni deri në darkë.

Tonalitete të zbutura për sytë
Mjaft me ngjyrat e forta: trendi dimëror kërkon që sytë të trukohen me tonalitete të zbutura. Mes ngjyrave që mund të sugjerohen nga ekspertët janë kobalti i bishtit të palloit dhe ngjyra e vajit.

Grimi duhet ta tërheqë syrin
Ekzistojnë klasikët pa kohë … por e reja e këtij dimrit është përdorimi i stilit, që u jep syve një formë vendosmërisht më të zgjatur dhe më pak të rrumbullakët, duke i shtrirë ngjyrat në mënyrë të vendosur.

Buzëkuqi? Mat ose shkëlqyes
Prirjet e dimrit mëshojnë të gjitha mbi buzëkuqet mat ose supershkëlqyes, me ngjyra që nisen nga tonalitetet neutrale për të arritur deri te ngjyra e fortë e qershisë apo portokallia. Absolutisht të përjashtuara për këtë dimër ngjyrat me efekt metalik.

Përkujdesje më e madhe në një zonë të caktuar të fytyrës
Sytë dhe buzët nuk duhet të jenë të trukuara me të njëjtin intensitet: përkundrazi duhet t’i jepet më shumë vëmendje një zone të caktuar të fytyrës. Trendi aktual parapëlqen një zgjedhje monokromatike, por me tekstura të ndryshme të së njëjtës ngjyrë varësisht zonës që duhet ndriçuar më shumë.

Nëse keni dyshime, pyesni profesionistin
Çdo lloj dyshimi në lidhje me një grim perfekt mund të qartësohet nga ndonjë trukues profesionist: atëherë, pse nuk e pyesni? Më mirë një pyetje më shumë e bërë në momentin e duhur, sesa të nxitosh të bësh riparimet pas një gabimi. /Telegrafi/

Model: Kadrie Canolli
Foto: Kastriot Zhigolli