Shqiptarët po blejnë gjysmën e Venedikut, mediet italiane japin alarmin

Shqiptarët po tentojnë të blejnë gjysmën e Venedikut. Ose për interes të tyre, ose për llogari të të tjerëve apo për të pastruar paratë e pista, ende nuk është e qartë. Por rritja e kërkesës së shqiptarëve që duan të blejnë hotele e restorante në qendrën historike të Venedikut preokupon institucionet, turizmin lokal, sipërmarrësit vendas e qytetarët.

Mbi këtë fakt po hetojnë autoritetet kompetente për të kuptuar nëse pas kërkesës së lartë të shqiptarëve që duan të blejnë restorantet e lokalet e tyre fshihen investime kapitalesh me prejardhje të dyshimtë, ose ricklim ndërkombëtar parash.

Alarmi është përcjellë për mediet italiane nga Federata e sipërmarrësve venedikas e presidenti i saj Roberto Magliocco i cili shprehet se, “çdo ditë në Venezia po mbyllen lokale, restorante e hotele duke transformuar qendrën e saj historike. E kjo është vetëm njëra faqe e medaljes, faqja tjetër është se të tjerë e kryesisht shqiptarë po tentojnë të blejnë bizneset e tyre”.

Mungesa e turistëve, shkaktuar nga pandemia globale. fatkeqësitë natyrore si përmbytjet që muaj më parë dëmtuan seriozisht qytetin, pezullimi i udhëtimeve me krocera, qeratë e larta që duhet të paguajnë e që shkojnë nga 9 mijë deri më 20 mijë euro në muaj, kanë çuar në vështirësi ekonomike mjaft sipërmarrës venedikas.

Pas muaj e muaj mbyllje të detyruar të aktivitetit, mjaft prej tyre kanë vënë në shitje bizneset e tyre apo janë kontaktuar kryesisht nga shqiptarë që ofrohen si blerës të mundshëm duke ofruar çmime mjaft të lira. Gjatë muajve të fundit në qendrën historike të qytetit është shtuar numri i restoranteve e hoteleve në shitje.

Për restorantet zona më në vështirësi është lagja Marciana, ndërsa për hotelet fenomeni është përhapur në të gjithë territorin e Venezias duke përfshirë dhe hotelet me 5 yje.

Për median lokale “Il Gazzetino”, kryetari i Federatës së sipërmarrësve venecianë, Roberto Magliocco thotë se, “as mos mendoni se blerësit që janë ofruar për janë kinezë o rusë. Por janë shqiptarë e sidomos kërkojmë të blejnë në sektorin e hotelerisë. Nuk dihet nëse e bëjnë për interes personal, ose në emër të dikujt tjetër që nuk kërkon të shfaqet. Fakt është që mbi këtë turbullësirë po hetojnë autoritetet kompentente për të kuptuar nëse pas tyre janë investime kapitalesh me prejardhje të dyshimtë o prova të riciklimit ndërkombëtar”.

Në verifikimet e bëra nga RTV Ora, numri i shqiptarëve që jetojnë në Komunën e Venedikur, nuk është aq i lartë sa në territoret e tjera italiane.

Në Venedik jetojnë rreth 1,450 shqiptarë, që për nga numri renditen të katërtit mes komuniteteve të huaja e duke përbërë 4.3 për qind të shifrës totale të emigranëve në këtë qytet.

Ndërsa, sipërmarrës shqiptarë në këtë territor janë rreth 360, të tretit në numër pas atyre kinezë e rumunë. E Komuna San Donà di Piave ka numrin më të lartë të sipërmarrësve shqiptarë në territorin venedikas.

Kryesisht shqiptarë kanë biznese në sektorin e ndërtimit dhe pse vitet e fundit ishte shtuar investimi i tyre në menaxhimin o blerjen e restoranteve. /Ora News/