Shqipëria U-21 mposht Moldavinë

Ekipi Kombëtar Shpresa i Shqipërisë arrin të fitojë ndeshjen e dytë miqësore, të zhvilluar ditën e sotme ndaj Moldavisë.

Pas barazimit 0-0 në “Elbasan Arena”, takimi i luajtur në kryeqytet në stadiumin “Selman Stermasi” ka përfunduar me shifrat 2-0 për kuqezinjtë.

Skuadra e drejtuar nga Alban Bushai zhvilloi një ndeshje mjaft të mirë duke e merituar plotësisht fitoren e pastër, duke krijuar shumë volum, por edhe raste për shënim.

Takimi nisi menjëherë me gol, teksa në minutën e 14’ është Kristal Abazaj që do të gjejë golin e tij të parë me fanellën kuqezi, ku ishte edhe goli që zhbllokoi sfidën.

Në pjesën e dytë ritmi i lojës bie disi, kjo edhe për shkak të shumë zëvendësimeve që kryen të dy trajnerët.

Megjithatë, kuqezinjtë e Bushit do të shënonin edhe një tjetër gol për të vulosur një ditë të shkëlqyer.

Në minutën e 86’ ishte Bytyçi ai që realizoi një gol mjaft të bukur duke lënë të shtangur dhe të palëvizur në vend portierin e Moldavisë, gol që praktikisht mbylli edhe ndeshjen.

Në këtë përballje, ekipi i Shqipërisë U-19 tregoi edhe njëherë se ka mjaft talente brenda tij dhe duket se trajneri Bushi po bën një pune të mirë në drejtimin e Kombëtares Shpresa.