Shpjegimi për anulimin e golit të Benzemas në finalen e Ligës së Kampionëve

Real Madridi e ka shkruar përsëri emrin në librat e historisë së futbollit duke fituar trofeun e 14-të të Ligës së Kampionëve, ndërsa goli i anuluar i Karim Benzemas shkaktoi kundërthënie në fund të pjesës së parë.

Madje edhe në ditët e sotme shumë tifozë vazhdojnë të mos e kenë të qartë pse nuk i regjistrua ai shënim. Në vijim, Marca sjell një shpjegim të bazuar në konsultimet e figurave autoritare të UEFA-s.

Gjëja e parë që duhet thënë është se është një ‘zonë gri’ – çështje e padefinuar qartë. Kjo shpjegon pse VAR-it iu deshën tri minuta për të konfirmuar vendimin që gjyqtari Clement Turpin dhe ndihmësi i tij kishin marrë në fushë. Ishte një finale dhe ata duhej të ishin të sigurt.

Benzema's Goal Disallowed ❌⚽️
For being offside.

HT
Liverpool 0-0 Real Madrid #UCL #UCLfinal#LIVRMA #LiverpoolvsRealMadrid https://t.co/nMz6i1oFLE

— Goalpost (@goalpost882) May 28, 2022

A ishte Benzema në pozitë jashtë loje

Koncepti kryesor që duhet kuptuar është se si një lojtar mund të konsiderohet se ka ‘luajtur’ në rastin e goditjes së topit.

Ishte e qartë për shumë njerëz që shikonin përsëritjet e xhirimeve se topi ishte goditur nga mesfushori i Liverpoolit, Fabinho, përpara se të arrinte në këmbët e Benzemas, i cili shfrytëzoi rastin.

Lexo po ashtu Benzema shënon golin e parë në finalen e Ligës së Kampionëve, por anulohet nga VAR

Mirëpo, gjyqtarët duhej të vendosnin nëse Fabinho kishte luajtur qëllimisht në atë rast apo nëse topi thjesht ishte devijuar nga ai. Duke qenë se ishte pjesë e një ndërhyrjeje ndaj Fede Valverdes, u vendos se ai nuk po tentonte ta pasonte topin dhe për këtë arsye pozicioni jashtë loje kundër Benzemas qëndron.

Vendimi se cilat ishin qëllimet e Fabinhos është ‘zona gri’ e lartpërmendur. Në bazë të interpretimit të gjyqtarit, ai kishte konsideruar se mesfushori i Liverpoolit kishte bërë përpjekje për ta ndërprerë pasimin e Valverdes. Dhe kjo është “prekje” dhe jo “lojë/pasim”. /Telegrafi/