Shpëtuan, por thonë se janë “të vdekur brenda” – rrëfimi i nuses dhe dhëndrit, pas zjarrit brenda një salle dasmash që vrau mbi 100 njerëz në Irak

Nusja dhe dhëndri nga dasma në Irak ku një zjarr masiv vrau mbi 100 njerëz thonë se ndihen “të vdekur brenda”.

Ajo që supozohej të ishte një nga ditët më të lumtura të jetës së tyre, u kthye në një mbrëmje tmerri për dhëndrin Revan dhe nusen Haneen.

Të dy nusja dhe dhëndri humbën anëtarët e familjes pasi një zjarr shpërtheu brenda sallës së dasmave në provincën Nineveh në Irakun verior, përcjell Telegrafi.

Dhe Revan thotë se Haneen nuk është në gjendje të flasë pasi ka humbur dhjetë anëtarë të familjes, përfshirë nënën dhe vëllain e saj. Babai i saj mbetet në gjendje kritike.

“Është e vërtetë që ne jemi të gjallë këtu përballë jush. Por brenda ne jemi të vdekur. Ne jemi të mpirë. Jemi të vdekur brenda”, ka thënë ai.

Ndërkohë bëhet e ditur se vetë dhëndri humbi 15 anëtarë të familjes në tragjedi.

#BREAKING #Iraq One hundred people were killed at a wedding in a fire in northern Iraq, and another 150 were injured. pic.twitter.com/MXXEB8VAt6

— The National Independent (@NationalIndNews) September 26, 2023

Ndërsa spekulimet fillestare ia atribuojnë zjarrin fishekzjarrëve të brendshëm, Revan thotë se zjarri filloi në tavan dhe beson se shkaku mund të jetë një “lidhje e shkurtër”.

“Pastaj tavani, i cili ishte i gjithi prej najloni, filloi të shkrihej. U deshën vetëm pak sekonda”, shtoi ai.

Sipas Revan, kishte vetëm një pajisje kundër zjarrit në vend, me të cilën nuk ishte e mundur të bëhej ndonjë gjë.

Në kaosin që pasoi pasi dasmorët vunë re zjarrin, Revan ndihmoi nusen e tij të shpëtonte, e cila nuk ishte në gjendje të ecte për shkak të fustanit të nusërisë.

Iraq- At least 100 people have died and 150 others injured after a fire broke out at a wedding in northern Iraq?
Early reports say it broke out after fireworks were lit.-BBC #IraqWeddingFire #Pray #RIP ?pic.twitter.com/FR7IjelZji

— Sri Lanka Tweet ?? (@SriLankaTweet) September 27, 2023

“E kapa gruan time dhe fillova ta tërhiqja zvarrë. Vazhdova ta tërhiqja zvarrë dhe të përpiqesha ta nxirrja nga hyrja e kuzhinës. Ndërsa njerëzit po iknin, njerëzit po e shkelnin të tjerët. Këmbët e saj janë të lënduara”, tha ai.

Jeta e tyre pas martesës ka filluar me ditë zie, funerale dhe varrosje të njerëzve të dashur.

Dhe pas gjithë kësaj, çifti ka vendosur të largohet nga vendlindja e tyre pas tragjedisë.

“Nuk mund të jetojmë më këtu… Pra, është më mirë që ne të largohemi”, tha ai. /Telegrafi/