Shpat Deda reagon ndaj mënyrës së trajtimit të viktimave të dhunës seksuale të luftës në Kosovë

Pas daljes publike dhe rrëfimit të asaj që kishte përjetuar në luftën e Kosovës, e mbijetuara e dhunës seksuale, Vasfije Krasniqi, është bërë kryetemë në mediat tona.

Natyrisht se ky rast i ka prekur shumë njerëz në vendin tonë duke përfshirë edhe personalitet e njohura të skenës.

Një prej tyre është këngëtari Shpat Deda, i cili përmes një postimi në rrjetet sociale ka kritikuar mënyrën e trajtimit të viktimave të dhunës seksualë të luftës në Kosovë dhe në ndërkohë e ka uruar Vasfije Krasniqin për guximin për të folur për atë që i ka ndodhur.

“Turpi i shoqërisë kosovare është mënyra si janë trajtuar viktimat e dhunës seksuale të luftës në Kosovë”.

Lexo po ashtu Lajmet për Shpat Dedën

“Shumica e grave me fatin e Vasfije Krasniqit kanë shkuar prej Ferrit të dhunës seksuale e luftës në Ferrin tjetër të gatuar nga rrethi dhe familja”.

“Mbështetja e familjes së saj është diçka e rrallë në raste të tilla edhe shpresoj se ky tregim do t’i isnpirojë të tjerët”.

“Vasfije, faleminderit për guximin për ta ndarë tregimin tënd. Ti je shkëndijë”, ka shkruar Shpati në një postim në Instagram. /Telegrafi/

https://www.instagram.com/p/BpBypdsHetK