Shkruhet historia, gjyqtari shpjegon për herë të parë vendimin e VAR-it për tifozët në stadium

Historia u shkrua të mërkurën pasi gjyqtari u shpjegoi për herë të parë tifozëve të pranishëm në stadium një vendim të VAR-it.

Al Ahly u përball me Auckland Cityn në raundin e parë të Kupës së Botës për Klube në Grand Stade de Tanger në Marok.

Skuadra egjiptiane, Ah Ahly fitoi 3-0 falë golave ​​të Hussein El Shahat, Mohamed Sherif dhe Percy Tau për të kaluar në raundin e dytë të garës.

Auckland, kampion i Oqeanisë, mbeti pa një lojtar në minutat e fundit shtesë, kur Adam Mitchell u ndëshkua me karton të kuq pas një ndërhyrje në Taher Mohamed.

WHAT A CWC NIGHT 😍✨🦅#YallaYaAhly pic.twitter.com/5Uy3zbebhr

— Al Ahly SC 🇬🇧 (@AlAhlyEnglish) February 1, 2023

Incidenti ndodhi pranë zonës së 16-metërshit dhe gjyqtari kinez Ma Ning akordoi fillimisht një penallti. Por, ai më pas shkoi te monitoruesi i VAR-it për incidentin dhe ishte në këtë pikë ku komentatori konfirmoi se vendimi do të thuhet me zë të lartë.

“Dhe pasi Ma Ning të ketë ekzaminuar pamjet dhe të konsultohet me kolegët e tij, për herë të parë në një turne të FIFA-s, do t’i njoftojë vendimin tifozëve dhe juve në shtëpi. Kjo është një herë e parë në futbollin botëror…”, tha ai.

Nang mori vendimin dhe më pas ai u tha 47 mijë tifozëve se ndërhyrja ishte në të vërtetë jashtë zonës, por mendohej se i kishte mohuar një mundësi për të shënuar.

Kjo do të thoshte se ai vrapoi te Mitchell dhe i dha kartonin e kuq direkt.

History today as the first VAR official explanation took place in the Al Ahly-Auckland City FIFA Club World Cup game.

Referee Ma Ning informed people that a penalty was overturned as the foul was outside the box, but a red card was shown to Adam Mitchell. pic.twitter.com/DvhN45eHAZ

— Roberto Rojas (@RobertoRojas97) February 1, 2023

“Vendimi do të jetë një goditje e lirë. Numri 3 i Auckland – mohoi një mundësi për të shënuar”, shpjegoi gjyqtari.

Kjo nuk ishte parë kurrë më parë në futboll dhe tifozët do të shpresojnë se kjo është një shenjë pozitive e gjërave që do të vijnë pas shumë zhurme.

Shpesh kur bëhet fjalë për vendimet e VAR-it, ata në stadium nuk janë të vetëdijshëm për atë që po ndodh – me ekranin e madh që nuk ofron mjaft informacionin e plotë.

Transparenca do të vazhdojë të provohet si në turneun e Kupës së Botës U-20, ashtu edhe në Kupën e Botës për femra. /Telegrafi/