Një burrë është shpëtuar nga ujërat e trazuara në lumin Los Anxhelos, pasi një ekuipazh helikopteri erdhi në shpëtim.
Sipas mediave të huaja, përcjell Telegrafi, në pamjet e shpërndara nga Departamenti i Zjarrfikësve të Los Anxhelosit, ai mund të shihet duke u ngritur nga uji që lëviz me shpejtësi, përpara se të dërgohej në spital.
Burri kishte hyrë në ujë për të shpëtuar qenin e tij, por vetë u fut në telashe.
Qeni arriti të shpëtonte duke notuar.
Lumi zakonisht i qetë i Los Anxhelosit “u gjallërua nga shiu historik” të hënën ndërsa moti ekstrem mbuloi Kaliforninë Jugore.
Mbi 1.4 milionë njerëz në Los Anxhelos ishin nën një paralajmërim për përmbytje të shpejtë. /Telegrafi/
