Njëra nga skuadrat më të mëdha në trojet shqiptare padyshim që është Shkëndija e Tetovës.
Gjiganti shqiptar po zhvillon fazën përgatitore në Antalya të Turqisë, ku po zhvillon edhe ndeshje miqësore.
Gjatë ditës së sotme Shkëndija u përballë me gjigantin zviceran Grasshopper dhe e nisi mjaftë mirë takimin.
Diani shënoi autogol në minutën e parë dhe Shkëndija kaloi në epërsi.
Golin e dytë për Shkëndijën e shënoi sulmuesi Izaer Emini në minutën e 19-të.
Por pranë rezultatit 2-0, në minutën e 37-të u ndërpre ndeshja për shkak të reshjeve të mëdha të shiut.
Edhe pse dy skuadrat pritën për disa minuta ndërprerjen e shiut një gjë e tillë nuk ndodhi.
Për ekipin zviceran Grasshopper, në këtë takim nga minuta e parë u aktivizuan katër futbollistë shqiptarë, Arlind Ajeti, Bujar Lika, Nedim Bajrami dhe Gjelbrin Taipi.
Ndeshjen e radhës miqësore, Shkëndija do ta zhvilloj më 1 shkurt ndaj ekipit austriak St Polten. /Telegrafi/
