Shkencëtarët trajnojnë minjtë për të gjetur viktima nën rrënojat e tërmetit

Një ekip shkencëtarësh nga Skocia ka nisur një projekt për të trajnuar minjtë për të gjetur viktima mes rrënojave të shkaktuara nga tërmetet dhe për të ndihmuar në shpëtimin e tyre.

Shkencëtarja 33-vjeçare, Donna Kean nga Glasgow e lindi me idenë dhe deri më tani shtatë minj kanë kaluar nëpër trajnimin, i cili sipas saj zgjat vetëm dy javë.

Kean theksoi se ishte e habitur nga përparimi i shpejtë i kësaj specie kafshësh dhe theksoi se ato janë qenie shumë shoqërore dhe se nuk duhen gjykuar mbi bazën e “koncepteve të gabuara se janë kafshë të pista dhe johigjienike”.

I train these clever creatures to save victims trapped in collapsed buildings after earthquakes. We kit them out with a rat backpack, and train them to trigger a switch when they find a victim & come back for a tasty treat 🐀#herosnotpests #science #weirdjobs #WomenInSTEM pic.twitter.com/728IQv70NX

— Dr Donna Kean (@donnaeilidhkean) May 26, 2022

Edhe pse ata nuk kanë dalë ende në fushën e duhur, shkencëtarja vuri në dukje se minjtë ishin pajisur me një dhomë të pajisur që të dukej si ajo e shkatërruar nga tërmeti, dhe minjtë ishin projektuar me pajisje adekuate – çanta shpine të vogla të qepura sipas masës, të cilat përfshijnë një mikrofon, pajisje gjurmuese dhe pajisje video, arrijnë të gjejnë të mbijetuar dhe madje ndihmojnë shërbimin e shpëtimit të kontaktojë me viktimat.

“Minjtë mund të zvarriten në humnera të vogla për të arritur viktimat e varrosura në rrënoja. Ata janë shumë të shkathët dhe të shkëlqyeshëm për të lundruar në mjedise si ky”, shpjegoi ajo, duke shtuar, “ata janë të trajnuar për t’iu përgjigjur një sinjali zanor dhe për t’u kthyer në bazë”.

Kafshët do të dërgohen së shpejti për të bashkëpunuar me ekipin e shpëtimit në Turqi, e cila është e prirur ndaj tërmeteve të shpeshta, ku do të kenë mundësinë të shfaqen në terrenin e duhur.

“Ne jemi e vetmja organizatë që punojmë me minjtë. Njerëzit më së shumti trajnojnë qen që janë përdorur për këto qëllime deri më tani sepse dihet se ata mund të ndjejnë valë sizmike. Megjithatë, minjtë kanë një avantazh për shkak të madhësisë dhe fleksibilitetit të tyre. Shpresojmë kjo do të shpëtojë jetë, rezultatet janë premtuese”, përfundoi Kean. /Telegrafi/