Shkaqet më të zakonshme të të vjellave kur zgjoheni nga gjumi

Nëse sapo zgjoheni keni një ndjenjë të përzier, por nuk e dini se çfarë e shkakton atë, ekspertët kanë ofruar disa nga arsyet e mundshme.

Arsyet mund të jenë të shumta, thotë mjeku i përgjithshëm Sonal Shah dhe përfshijnë mungesën e gjumit, ankthin apo zakonet aktuale të të ngrënit, shkruan Good To Know.

Dehidratimi

Dhimbjet e kokës, lodhja dhe të përzierat gjatë zgjimit në shumë raste mund t’i atribuohen dehidrimit. Është mënyra në të cilën trupi na bën të kuptojmë se po humbasim më shumë lëngje sesa po marrim dhe se duhet ta vendosim shpejt atë ekuilibër.

“Dehidratimi, të përzierat dhe të vjellat në fakt shkojnë dorë për dore”, tha dietologia Eisling Moran. “Të vjellat shpesh shkaktojnë dehidratim sepse trupi juaj humbet lëngjet, kështu që mund të jetë një rreth vicioz që askush nuk dëshiron ta përjetojë”.

Lodhja

Dihet se mungesa e gjumit shkatërron ritmet cirkadiane. Kjo çon në rraskapitje, gjë që mund t’ju bëjë të ndiheni të përzier në mëngjes. Mungesa e gjumit gjithashtu mund të na bëjë të ndihemi të mërzitur, nervoz dhe të paaftë për t’u fokusuar në detyrat e përditshme.

Ankthi

Ndjenja e të vjellave në mëngjes gjithashtu mund të reduktohet në një simptomë ankthi dhe kjo shpesh përkeqësohet nga faktorë të tjerë, si ndryshimet hormonale. Sipas Anxiety UK, rreth 98 për qind e grave përjetojnë ankth gjatë menopauzës, për shembull, për shkak të luhatjeve të estrogjenit dhe progesteronit dhe ndryshimeve në nivelet e kortizolit.

Sheqeri i ulët në gjak

Mund të ndiheni të përzier nëse niveli i sheqerit në gjak është shumë i ulët. Kjo quhet hipoglikemi dhe ndodh kur trupi nuk ka mjaftueshëm glukozë për të prodhuar energji. Prek kryesisht personat me diabet, veçanërisht nëse marrin insulinë. Edhe pse e pazakontë, njerëzit që nuk kanë diabet mund të kenë gjithashtu hipoglikemi për shkak të alkoolit ose agjërimit.

Çekuilibër hormonal

“Ndjenja e të përzierave në mëngjes kur zgjoheni mund të lidhet me çekuilibrin e hormoneve në trup”, tha dietologia Claire Barnes. “Kortizoli, i quajtur shpesh ‘hormoni ynë i stresit’, lirohet nga gjëndrat mbiveshkore si përgjigje ndaj frikës ose stresit.

Kapsllëku

Janë deri në 47 simptoma që mund të përjetojmë për shkak të kapsllëkut. Dhe siç e dinë shumë prej nesh, të vjellat e mëngjesit janë sigurisht një prej tyre. “Alkooli dëmton mukozën e stomakut dhe zorrëve, kështu që mund të shkaktojë diarre dhe vjellje”, tha profesor David Nut.

Refluksi i acidit

Refluksi i acidit mund të shkaktojë ndjesi shpimi gjilpërash në stomak dhe ezofag, shije të thartë në gojë, gulçim dhe vjellje. “Ndërsa shumë besojnë se acidi i tepërt i stomakut çon në urth, teoritë e fundit sugjerojnë tani se simptomat mund të lidhen me nivelet e ulëta të acidit në stomak”, tha Claire Barnes.

Acidi i stomakut është linja jonë e parë e mbrojtjes kundër mikrobeve të dëmshme që hyjnë në zorrë, kështu që nivelet e ulëta të acidit të stomakut mund të çojnë potencialisht në rritjen e tepërt të baktereve dhe reduktimin e përthithjes së lëndëve ushqyese të rëndësishme si vitaminat B, folate, hekur, magnez, kalcium dhe zink. Duke qenë se mungesa e këtyre lëndëve ushqyese mund të çojë në ndryshime në prodhimin e hormoneve dhe neurotransmetuesve në trup, përsëri mund të shoqërohet me çekuilibër hormonal, i cili çon në stres, ankth dhe të përziera.

Shtatzënia

Të sëmurit në mëngjes, me ose pa të vjella, mund të jetë gjithashtu një shenjë kyçe se jeni shtatzënë. Rreth 80 për qind e grave shtatzëna përjetojnë të vjella në mëngjes, të cilat zakonisht ulen ndërmjet javës së katërt dhe nëntë të shtatzënisë.