Shfrytëzojnë kaosin e krijuar gjatë protestave për të kryer plaçkitje, pronarët e lokaleve mbrojnë pronat e tyre – shfaqen me armë në duar

Protestat që kanë shpërthyer në SHBA pas vdekjes së George Floyd, shpejtë janë shndërruar në plaçkitje dhe vandalizëm, ku në mbi 20 qytete është shpallur ora policore kurse nëpër rrugë ka dalë për të patrulluar Garda Kombëtare.

Cak ishin lokalet me gardërobë luksoze, restorantet dhe supermarketet. E disa qytetarët janë detyruar që vetë t’i mbrojnë lokale e tyre nga sulmet, siç edhe kanë bërë pronarët e një furre në Cleveland, transmeton Telegrafi.

Më së shumti e kanë pësuar pronarët e një lokali në Los Angeles, të cilët duke dashur të mbrojnë pronën e tyre janë shfaqur me armë zjarri dhe hanxharë, por u arrestuan nga policia duke menduar se janë hajna.

U deshën të kalojnë disa orë që të zbulohet kush janë që të lirohen. E në Scotsdale huliganët janë futur në një argjendari, por brenda hasën në një grup të personave të armatosur deri në dhëmbë.

“Nuk jemi këtu për të lënduar dikë. Kur pamë se si u shkatërrua lokali i Apple, deshëm ta mbrojmë lokalin tonë. Këto nuk janë protesta, por krim”, ka deklaruar djali i pronarit të argjendarisë.

(3/3) EXCLUSIVE: A group of alleged looters square-off against business owners in Van Nuys as police converge onto the scene. The tense moments were captured live in front of our FOX 11 news camera. https://t.co/KEbNy7SnKw pic.twitter.com/ZzZNA1tJwc

— FOX 11 Los Angeles (@FOXLA) June 2, 2020

Siç raportojnë mediat amerikane, banda latino-amerikane “Latin Kings” ka porositur policinë që të mos shkojnë në lagjet që ata i kontrollojnë për t’ju ofruar ndihmë banorëve, sepse vetë do të qërojnë hesapet me këdo që ka guxim t’ia mësyjë pronave private. /Telegrafi/