Shfaqen vërejtjet e para nga qytetarët për Listën e KSHZ-së, profesoresha Najçevska shpallet se nuk ekziston (Foto)

Komisioni Shtetëror Zgjedhor me një thirrje publike edhe një herë ka bërë thirrje deri tek qytetarët që të verifikojnë emrin në listën e 39.502 votues e cila është publikuar. Por, si duket me këtë listë veç sa kanë filluar vërejtjet e para nga qytetarët, transmeton Telegrafi Maqedoni.

Profesoresha Najçevska në profilin e saj në Facebook paralajmëroi se emri i saj gjendet në listën e atyre që nuk dihet nëse ekzistojnë ose jo.

“Pas të gjitha kryqëzimeve që i bëri KSHZ-ja, me të gjitha bazat e të dhënave dhe kontrollit në terren, emri im ende gjendet në listën e atyre nëse ekzistojë ose jo. Kjo nënkupton se unë pas 35 viteve votime në një vend votim, me regjistrim të vazhdueshëm në rrugën e njëjtë dhe me numër të njëjtë mbi 35 vite, me përvojë pune në vendin e njëjtë mbi 35 vite, me pasaportë dhe letërnjoftim, me paraqitje në DAP dhe tatim të paguar, duhet që të paraqitem në ndonjë njësi rajonale? Nuk e kam në plan që të shkoj dhe të tregoj se unë ekzistoj”, ka shkruar Najçevska në Facebook. /Telegrafi/