Një urë gjigante në Autostradën Shtetërore 16 'Adriatica' mbi lumin Trigno pranë Montenero di Bisaccia në Molise u shemb të enjten pasi një valë moti ekstrem goditi Italinë qendrore dhe jugore.
Autostrada u mbyll të mërkurën, kur ura u vu nën vëzhgim pasi lumi u fry dhe doli nga shtrati për shkak të shirave të rrëmbyeshëm.
Si rezultat, lidhjet rrugore me Abruzzon janë praktikisht të ndërprera.
Lumi Carpino ka dalë gjithashtu nga shtrati, duke përmbytur një pjesë të Autostradës Provinciale 45 në zonën Carpinone dhe zonën industriale Pettoranello del Molise pranë Isernias.
Nivelet e lumit Ofanto në veri të provincës së Barit janë gjithashtu shqetësuese dhe ka një alarm në lidhje me Digën Occhito për shkak të përmbytjeve në Carlantino, në provincën e Foggias.
Dhjetëra persona janë izoluar nga bota e jashtme për shkak të një rrëshqitjeje dheu në zonën Piceno në Marche dhe tre familje u detyruan të evakuoheshin nga shtëpitë e tyre pranë Potenza, në Basilicata, pasi moti ekstrem shkaktoi shembjen e një muri. /Telegrafi/
