Shembet ndërtesa katërkatëshe në Marsejë, dyshohet se shkak ishte rrjedhja e gazit

Një ndërtesë kolektive katërkatëshe është shembur gjatë mbrëmjes së kaluar në qendër të Marsejës në Francë, por zjarri i ka parandaluar ekipet e shpëtimit t’i kërkojnë viktimat potenciale.

Të paktën pesë persona janë lënduar ka bërë të ditur kryetari i qytetit francez, Benoa Pajan, transmeton Telegrafi.

Dyshohet se shembja e ndërtesës ndodhi si pasojë e një shpërthimit, me gjasë nga rrjedhja e gazit.

“Ekzistojnë dyshimet që shpërthimi ka shkaktuar shembjen, por në këtë fazë duhet të jemi të kujdesshëm në lidhje me shkaqet”, tha prefekti i rajonit Bush di Ron, Kristof Mirman, duke shtuar se rrjedhja e gazit me gjasë mund të jetë shkaku.

Autoritetet lokale kanë bërë të ditur, se deri më tani akoma nuk dihet sesa njerëz kanë jetuar në këtë ndërtesë. Qindra persona kanë dalë në terren, që prioritet kanë fikjen e zjarrit dhe të pastrojnë rrënojat.

JUST IN – Building collapse that sounded like a huge explosion reported in the southern French port city of Marseille

pic.twitter.com/jXsR67abkx

— Insider Paper (@TheInsiderPaper) April 9, 2023

Ndërtesat e tjera përreth janë evakuuar si masë preventive. Janë evakuuar 11 persona që gjenden në qendër të qytetit. Në vendin e ngjarjes ka shumë autoambulanca. /Telegrafi/