Sheikët nga Arabia Saudite do ta blejnë Newcastlen për 300 milionë funte: Tani tifozët ëndërrojnë për lavdi, pasi ata janë një nga klubet më të pasura në botë

Blerja e Newcastles për 300 milionë funtesh (353 milionë euro) nga sheikët sauditë më në fund është përfunduar, ndërsa mediat angleze shkruajnë që do të ketë pasoja sizmike në klub.  

Pronësia 14-vjeçare e Mike Ashley në klubin nga “St James ‘Park” do të përfundojë pasi Liga Premier zyrtarisht nënshkroi marrëveshjen, me pronarët e rinj, që janë të etur për të filluar menjëherë punën.

Por si ka ardhur deri te blerja, pse u desh kaq shumë kohë për të përfunduar dhe cilat janë implikimet për të gjithë të përfshirët?

Blerja është bërë nga Fondi Saudit për Investime Publike (PIF), por në fakt kjo kishte filluar në vitin 202, por që fillimisht dështoi. Kjo ndodhi sepse PIF nuk ishte në gjendje të jepte prova të mjaftueshme se do të kishte ndarje mes tyre dhe shtetit saudit, të kryesuar nga Princi i Kurorës, Mohammed bin Salman.

Por tani Liga Premier ka marrë garanci se shteti nuk do të përfshihet drejtpërdrejt në drejtimin e Newcastle dhe marrëveshjes mund t’i jepet drita jeshile.

Kundërshtimi kryesor i Ligës Premier ndaj përfshirjes së shtetit saudit ishte se, ata besonin ky shtet ishte pas piraterisë që mbulonte transmetimin e ndeshjeve të kampionatit anglez ndër vite.

Si është zgjidhur çështja e piraterisë?

Arabia Saudite ka zgjidhur mosmarrëveshjen e saj me transmetuesin në Katar, beIN Sports.

BeIN Sports është transmetuesi zyrtar i Ligës Premier në të gjithë Lindjen e Mesme, por kanalet e tyre janë të ndaluar në Arabinë Saudite për katër vjet, me ndeshjet që në këtë vend tregohen ilegalisht në kanalet pirate.

Sidoqoftë, tani Arabia Saudite kuptohet se i ka thënë beIN Sports se dëshiron të zgjidhë çështjet ligjore në lidhje me piraterinë – përfshirë edhe një arbitrazh me vlerë 1 miliard dollarë (rreth 737 milionë funte) – dhe kundërshtimet e transmetuesit të bëra ndaj Ligës Premier do të hedhen poshtë.

Qeveria saudite ka premtuar se do të mbyllë faqet e internetit të piratëve që veprojnë në vend.

Por a është vërtet e mundur të ndahet shteti saudit nga marrëveshja për Newcastle?

Kjo është pyetja e madhe. Në fund të fundit, PIF, e cila pritet të marrë një shumicë prej 80 për qind të aksioneve në Neëcastle, është një fond sovran i pasurisë i mbikëqyrur nga princi i kurorës Mohammed bin Salman.

Ministri saudit i mediave, Majed al-Qasabi, gjithashtu do të ulet në bordin e PIF dhe ai ishte i përfshirë në zgjidhjen e çështjes së piraterisë.

Blerja e Neëcastle mund të konsiderohet si pjesë e “Vizionit 2030” të Bin Salma Vision, një program i cili është krijuar për të rifokusuar ekonominë saudite drejt turizmit dhe argëtimit, duke devijuar fokusin në të dhënat e tyre për të drejtat e njeriut.

Blerja e klubit do të ndezë aktivistët e të drejtave të njeriut?

Liga Premier duhet të presë kritika të ashpra për lejimin e blerjes së klubit.

Shërbimet e inteligjencës në Shtetet e Bashkuara e kanë akuzuar Bin Salmanin si urdhërues të vrasjes së gazetarit Jamal Khashoggi në vitin 2018.

Amnesty International ka dënuar përpjekjet e shtetit saudit për përpjekje për të larguar vëmendjen nga shkeljet e të drejtave të njeriut duke organizuar ngjarje sportive si boksi ose Formula 1.

Kush tjetër do të ketë aksione në klub?

Staveley dhe firma e saj, PCP Capital, janë përfshirë në përpjekjen për të blerë Newcastle për katër vjet.

Biznesmeni me qendër në Londër, do të marrë 10 për qind të aksioneve dhe pritet të ketë një rol në bordin e klubit.

Vëllezërit Reuben, të cilët e rritën pasurinë e tyre me prona dhe kanë një pasuri neto prej 16 miliardë funtesh, do të marrin 10 përqindëshin tjetër.

Pra, Newcastle mund të ketë një injeksion serioz të parave?

Në teori, Newcastle tani janë ndër klubet më të pasura të futbollit në botë dhe do të gëzojnë fuqi të ngjashme shpenzimi me Manchester City dhe Paris Saint-Germain, që janë në pronësi të Abu Dhabit dhe Katarit respektivisht.

PIF -i saudit tashmë ka 400 miliardë dollarë (295 miliardë funte) asete dhe planifikon ta rrisë këtë në mbi 1 trilion dollarë deri në vitin 2025.

Mund të jemi të sigurt se sauditët do të duan të tregojnë se mund të konkurrojnë me Abu Dhabin dhe Katarin në botën e futbollit.

 E ardhmja e Steve Bruce?

Newcastle nuk ka arritur të fitojë asnjë nga shtatë ndeshjet e para të Ligës Premier, kështu që Bruce e gjen veten nën presion serioz.

Një sondazh nga Newcastle United Supporters Trust, zbuloi këtë javë se 94 për qind e tifozëve duan që Bruce të japë dorëheqjen.

Në vitin e shkuar PIF donte të emërojë Mauricio Pochettino si trajner të Newcastle.

A do të largohet aksionari Mike Ashley?

Po, dhe ai nuk do të marr vlerësim dhe mirënjohje nga tifozët e Newcastle.

Qëndrimi 14-vjeçar i Ashley si pronar e ka parë klubin të largojë 10 trajnerë, të pësojë dy herë rënie në Championship dhe të mos fitojë asnjë trofe të vetëm.

Ashley është përpjekur të shesë klubin për katër vjet. Pronari i Sports Direct do të jetë i kënaqur të mbyll përfundimisht shitjen dhe tifozët e Newcastle do të jenë të gëzuar.

Pra, tifozët do të presin një pranverë të madhe?

Do të duket sikur Krishtlindjet kanë ardhur herët për tifozët e Newcastle. Prej kohësh ka pasur armiqësi ndaj Ashley dhe Bruce dhe tani të dy do të largohen me gjasë.

Duke pasur parasysh kohën, shpresa do të jetë që Newcastle të konkurrojë për t’u kualifikuar në Evropë, të fitojë garat e kupave dhe madje të shtyjë klubet elitare të vendosura për kreun e Ligës Premier. /Telegrafi/