Sheikët kanë gati ofertën e parezistueshme për blerjen e Man United nga Glazers

Investitorët nga Katari po planifikojnë të bëjnë një ofertë të jashtëzakonshme për blerjen e Manchester United dhe duan t’i japin trajnerit Erik ten Hag mbështetjen financiare për ta çuar klubin përsëri në krye të futbollit botëror, raporton Sportsmail.

Burimet kanë bërë të ditur se një grup individësh, me pasuri të lartë, me bazë në shtetin e pasur me naftë, të nxitur nga organizimi i Kampionatit Botëror nga Katari, i kanë vënë sytë një klubi që ata e shohin si ‘xhevahiri i futbollit’.

Ata do të bëjnë një ofertë për United në ditët në vijim, përpara afatit të mesit të shkurtit të vendosur nga Glazers, dhe janë të bindur se oferta e tyre do ta mposhtë konkurrencën.

Lexo po ashtu Si do të dukej tabela e Ligës Premier nëse Manchester Cty përjashtohet

Pronarët e United po kërkojnë më shumë se 6 miliardë euro për klubin, dhe ekziston mundësia e një faturë tjetër të madhe për të rizhvilluar Old Traffordin, ose për të rrëzuar vendin ikonik dhe për të ndërtuar një objekt të ri më të avancuar. Një projekt i tillë mund të kushtojë më shumë se 2 miliardë euro, por kjo nuk do të ishte problem për grupin e Katarit.

Angazhimi i tifozëve është në qendër të ofertës së tyre dhe ata mund të kërkojnë pikëpamjet e mbështetësve për të ardhmen e stadiumit.

Lexo po ashtu Eksod te Manchester United: Ten Hag u ka thënë gjashtë lojtarëve se janë të lirë të largohen nga Old Trafford

Një pengesë e mundshme është pronësia e Paris Saint-Germain nga Katar Sports Investments. Një ent nuk mund të zotërojë dy klube në të njëjtën garë – dhe United dhe PSG mund të takohen në Evropë.

Oferta për United do të vinte nga investitorë të veçantë nga Katari. Nuk ka asnjë interesim për të marrë aksione të pjesshme, me vetëm një blerje të plotë si opsion i mundshëm. /Telegrafi/