Shefi i Wagnerit, Prigozhin i kërkon Putinit ta përfundojë luftën në Ukrainë

Yevgeny Prigozhin ka kërkuar nga autoritetet ruse të shpallin përfundimin e luftës dhe të përqendrohet në territoret e pushtuara të Ukrainës.

Udhëheqësi i grupit mercenarë rus, Wagner, Prigozhin beson se shteti rus ka arritur objektivat e saja me pushtimin e Ukrainës, shkroi kyivindependent.

Lexo po ashtu Shefi i mercenarëve të Wagner po synon pushtetin politik, ai po përpiqet të 'marrë kontrollin' e një partie politike ruse

“Për autoritetet e Federatës Ruse dhe për shoqërinë në tërësi, është e nevojshme të vendoset një lloj pike e guximshme në “operacionin ushtarak special”. Opsioni ideal është shpallja e përfundimit të operacionit special ushtarak duke informuar të gjithë se Rusia ka arritur rezultatet që kishte planifikuar dhe në një farë kuptimi ne i kemi arritur ato. Ne kemi eliminuar një numër të madh ushtarësh të forcave të armatosura të Ukrainës dhe mund t’i themi vetvetes se detyra jonë është përmbushur”, tha Prigozhin.

Ai pretendon se teorikisht Rusia ka arritur tashmë në atë pikë duke shkatërruar një pjesë të madhe të popullsisë aktive mashkullore të Ukrainës dhe duke frikësuar një pjesë tjetër të saj, e cila, siç pretendon Prigozhin, iku në Evropë, transmeton Telegrafi.

⚡️Wagner Group founder: 'Ideal' option for Russia to cease active phase of war and go on defensive.

Yevgeny Prigozhin recommended in a press release published on April 14 for Russia to cease the active phase of the war and "firmly entrench" itself in the occupied territories.

— The Kyiv Independent (@KyivIndependent) April 14, 2023

“Rusia ndau Detin Azov dhe një pjesë të madhe të Detit të Zi, pushtoi një pjesë të madhe të territorit të Ukrainës dhe krijoi një korridor tokësor për në Krime”, tha Prigozhin duke arsyetuar propozimin e tij.

Në të njëjtën kohë, Prigozhin pranoi se Ukraina më nuk e sheh veten si një pjesë të Rusisë, shkruan dailymail.

Lexo po ashtu Prigozhin dëshiron të zëvendësojë Putinin, përplasja mes tyre është planifikuar për vitin 2024

Shefi i grupit mercenarë rus, Wagner shkroi një artikull në të cilin ai reflekton mbi rëndësinë e Bakhmutit, rrjedhjen e dokumenteve të Pentagonit dhe ofensivën e ardhshme të forcave të armatosura ukrainase.

Okupatori është kundër çdo negociate me Ukrainën dhe dëshiron që forcat e Rusisë dhe Ukrainës të takohen në fushë betejë.

Lexo po ashtu Aleati i Putinit tregon në detaje se si mund të kapitullojë Rusia në Ukrainë

Rusia filloi një pushtim në shkallë të plotë më 24 shkurt 2022 dhe synonte përmbysjen e autoriteteve ukrainase dhe presidentit Volodymyr Zelensky. Pas dështimit, Rusia ka ripërcaktuar vazhdimisht atë që dëshiron, kështu që është e vështirë të vlerësohet se cila është strategjia e daljes.

Rusia shpalli aneksimin e katër rajoneve të Ukrainës, territoret e të cilave janë nën okupim, por më pas u detyrua të tërhiqej nga e vetmja qendër rajonale e pushtuar Kherson. /Telegrafi/