Manchester United ka pësuar humbje në shtëpi nga vendi i fundit në renditje Sheffield United me rezultat 2-1 në kuadër të javës së 20-të në Ligën Premier.
Ishte pritur që të jetë ndeshje e lehtë për United, ku fitorja do t’i kthente në vendin e parë, por nuk doli ashtu.
Harkimi nga këndi i John Fleck, gjeti më së miri Kean Bryan, duke shënuar për 1-0.
Pjesa e parë u mbyll me këtë rezultat edhe pse United provoi disa herë.
Barazimi erdhi në minutën e 64-të, kur Alex Nicolao Telles gjeti në zonë Harry Maguiren, i cili barazoi shifrat në 1-1.
Ky gol pritej që ta kthente në lojë Unitedin, por nuk ndodhi ashtu.
Ishte minuta e 74-të, kur Oliver Burke i Sheffield shënoi për 2-1.
Deri në fund nuk kishte më gola dhe Sheffield mori fitoren e dytë në këtë kampionat, ku me tetë pikë mbetet sërish në fund.
Në anën tjetër Manchester United mbetet në vendin e dytë me 40 pikë. /Telegrafi/
