SHBA po përgatit një paketë të re ndihme ushtarake prej 6 miliardë dollarësh për Ukrainën

Administrata amerikane synon të premten të njoftojë ndarjen e një pakete të re ndihme ushtarake në shkallë të gjerë për Ukrainën me vlerë 6 miliardë dollarë.

Kjo sipas një raporti të Reuters, duke iu referuar burimeve në Uashington, shkruan Ukrinform, përcjell Telegrafi.

“Shtetet e Bashkuara mund të njoftojnë që të premten blerje të reja armësh për Ukrainën me vlerë 6 miliardë dollarë”, thuhet në raport.

Siç theksohet më tej, paketa e re e ndihmës ushtarake amerikane në shkallë të gjerë mund të përfshijë radarë kundër-artilerie, automjete taktike, interceptorë Patriot, drone, artileri, municione precize dhe sisteme kundër-drone.

Lexo po ashtu Mbretëria e Bashkuar do ta furnizojë Ukrainën me bomba me laser që mund të godasin "objektivat e buta" ruse

Kujtojmë se të mërkurën, më 24 prill, presidenti i SHBA-së, Joe Biden nënshkroi në ligj projektligjin për financimin shtesë të sigurisë kombëtare, i cili parashikon, ndër të tjera, mbi 60 miliardë dollarë ndihmë për Ukrainën.

Më vonë, Departamenti i Shtetit i SHBA-së tha se vendi po cakton një këst prej 1 miliard dollarësh të ndihmës mbrojtëse për kombin në luftë.

Paketa e ndihmës mbrojtëse për Ukrainën, e njoftuar nga administrata amerikane të mërkurën, përfshinte raketa RIM-7 për sistemet e mbrojtjes ajrore, Stingers, municione HIMARS, Bradley IFV, si dhe armatime të tjera dhe pjesë rezervë për pajisjet tashmë të ofruara. /Telegrafi/