SHBA ndjek shembullin e britanikëve, tërhiqet nga Bordi i Agjencisë së Pronës

Ambasada e Shteteve të Bashkuara të Amerikës në Kosovë, njoftoi se është tërhequr nga bordi i Agjencisë Kosovare për Krahasim dhe Verifikim të Pronës, pasi shfaqën hapur kundërshtimin e tyre që Naser Shala të udhëheqë me këtë agjenci.

Që kur Shala u votua nga Kuvendi i Kosovës si drejtor i kësaj agjencie, Ambasada e SHBA-së dhe ajo britanike u deklaruan publikisht kundër duke thënë se si nuk ishte person i kualifikuar dhe i përshtatshëm për këtë pozitë.

Madje, ambasadori britanik u dorëhoq nga pozicioni i tij si kryetar i bordit të Agjencisë për Krahasim dhe Verifikim të Pronës.

Këtë veprim duket se e ka ndjekur edhe SHBA që njoftoi dorëheqjen nga bordi.

“SHBA-ja ka dhënë dorëheqjen nga Bordi i AKKVP-së, siç bëri Mbretëria e Bashkuar më herët. Ne nuk do të vazhdojmë të jemi pjesë e një institucioni ku lidershipi i tij u shërben më shumë interesave personale dhe politike se sa qytetarëve. Përzgjedhja e miqve të pakualifikuar për pozicionet qeveritare dëmton imazhin e Kosovës dhe tradhton besimin e qytetarëve”, thuhet në njoftimin e Ambasadës së SHBA-së.

U.S. has resigned from KPVCA Board, as the UK did earlier. We won’t continue when its leadership serves personal and political interests rather than the people. Selecting unqualified cronies for government positions hurts Kosovo’s image and betrays the public trust. https://t.co/ZJmuMLvfJN

— Ambassador Jeff Hovenier (@USAmbKosovo) August 16, 2019