Klubi ukrainas, Shakhtar Donetsk ka konfirmuar me anë të një komunikate dhe janë afër marrëveshjes me Chelsean për shitjen e Mykhailo Mudryk.
Emri i Mudryk është më i përfoluri në këtë dimër, pasi emri i tij ka futur në ‘luftë’ klubet anglez.
Deri sot, Arsenali llogaritet favorit për transferimin e lojtarit, pasi kishte ofruar 80 milionë euro plus 15 milionë euro tjera bonuse.
Megjithatë, rivali i tyre Chelsea duket se është afër ta rrëmbej yllin ukrainas, pasi ka ofruar plot 100 milionë euro për Mudryk.
Është vet klubi ukrainas që ka konfirmuar bisedimet mes klubeve, duke thënë se marrëveshja e transferimit është afër.
“Presidenti i FC Shakhtar, Rinat Akhmetov dhe bashkëpronari i Chelseat, Behdad Eghbali, diskutuan sot transferimin e Mykhailo Mudryk te Chelsea FC”.
“Palët janë shumë afër marrëveshjes për transferimin e lojtarit në klub”, thuhet në njoftimin e klubit ukrainas. /Telegrafi/
