Sezoni i ri në La Liga pritet të fillojë pa tifozë në stadiume

Qeveria spanjolle nuk beson se tifozët do të jenë në gjendje të kthehen për ndeshjet e fillimit të sezonit të ri 2020/21 në La Liga.

Orari i sezonit 2020-21 në La Liga u konfirmua këtë javë, me fillimin e sezonit të ri të ligës që pritet të fillojë me 12-13 shtator të këtij viti.

Sipas emisionit El Larguero të Cadena Ser, situata do të monitorohet vazhdimisht, por aktualisht nuk është optimist se tifozët do të jenë në gjendje të kthehen në ndeshje në fazat e para të kampionatit.

Lexo po ashtu Zyrtare: Vendoset se kur fillon sezoni 2020/21 në top pesë ligat evropiane

Kishte pritshmëri se tifozët do të lejoheshin të ktheheshin në stadiume që nga fillimi i sezonit 2020/21 me shpresë se pandemia Covid-19 do të ishte lehtësuar deri në atë fazë.

🚨⚽️ Informa @PedroFullanaSER

➡️ El Gobierno ve muy complicado que LaLiga pueda regresar con público en las gradas

➡️ Los datos actuales que maneja Sanidad a día de hoy dificultan el acceso masivo de público para el inicio de la temporada pic.twitter.com/zlxTsrxwGz

— El Larguero (@ellarguero) August 19, 2020

Sidoqoftë, shkalla e infeksionit lokal në të gjithë Spanjën mbetet e lartë dhe ndërsa numri i vdekjeve dhe pacientët në kujdes intensiv nuk janë afër vuajtjeve në kulmin e shpërthimit fillestar, ekziston pesimizëm se do të ketë një kthim në normalitet këtë vit kalendarik.

Futbolli spanjoll u rikthye në qershor me qëllim të përfundimit të sezonit 2019/20 dhe përderisa kthimi i futbollit ishte i suksesshëm, tifozët nuk u lejuan të kthehen në stadiume. /Telegrafi/