Selena Gomez shpërthen në lot ndërsa flet për betejën me sëmundjen lupus: Më dhemb gjithçka

Beteja e Selena Gomezit me lupus u përkeqësua në një ekstrem në vitin 2020, saqë ajo e gjeti veten në dhimbje torturuese “kudo”.

Këngëtarja e “Same Old Love” shpërthen në lot në dokumentarin e saj të ri të Apple TV+, “My Mind & Me”, kur flet për sëmundjen e saj autoimune.

“Nuk e kam ndjerë që kur isha më e re”, thotë Gomez, pavarësisht se kishte kaluar një transplant të veshkave në vitin 2017, falë një donacioni nga shoqja e saj Francia Raisa.

“Tani thjesht dhemb. Sikur, në mëngjes kur zgjohem, menjëherë filloj të qaj se më dhemb, gjithçka”, tregon mes lotësh aktorja.

“Unë mendoj se e kaluara ime dhe gabimet e mia, janë ato që më shtyjnë në depresion”.

Lexo po ashtu Të gjitha lajmet nga Selena Gomez

Gomez, 30-vjeçare, merr një telefonatë nga mjeku i saj, i cili e informon se dhimbja vjen nga një mbivendosje e lupusit dhe miozitit, që shkakton dhimbje dhe dobësim të muskujve.

Mjeku sugjeron një dozë tjetër të një ilaçi të quajtur Rituxan, i cili do të shpëtonte nga dhimbjet e kyçeve të yllit për një “vit apo më shumë”.

“Unë thjesht ndihem gjithmonë më mirë kur kam përgjigje, por Rituxan ishte vërtet e vështirë për t’u bërë herën e fundit”, shpjegon Gomez. “Janë rreth katër orë, pesë orë. Është vërtet e vështirë për sistemin tuaj në fillim, por është në rregull”.

Ylli i “Only Murders in the Building” shfaqet më pas duke iu nënshtruar trajtimit në një institucion mjekësor dhe pranon se mjekët i dhanë asaj një ilaç “për t’u çlodhur” sepse ajo “nuk mund të durojë të qëndrojë pa lëvizur”.

Themeluesja e “Rare Beauty” zbuloi në vitin 2014 se kishte lupus dhe iu nënshtrua kimioterapisë për ta trajtuar atë. /Telegrafi/