Selena Gomez nxit reagimin e fansave pasi marka e saj “Rare Beauty” njoftoi donacione për Palestinën

Selena Gomez kohët e fundit përdori platformën e saj të markës kozmetikës “Rare Beauty” për të dërguar një mesazh përmes mediave të saj sociale në lidhje me krizën humanitare në Gaza dhe njoftoi se marka do të bënte donacione për ata në nevojë, megjithatë, fansat e saj nuk e morën mirë.

Instagrami i markës bëri një postim ku shkruhej: “Kriza humanitare në Gaza, të shkatërruar nga imazhet dhe raportet që vijnë nga Lindja e Mesme”.

“Mijëra civilë palestinezë të pafajshëm janë vrarë në sulmet ajrore izraelite dhe miliona civilë janë zhvendosur dhe lënë pa akses në ushqim, ujë, ilaçe ose nevoja themelore për mbijetesë”, vazhdoi deklarata.

Marka deklaroi hapur se do të mbështeste banorët e Gazës: “Një numër i madh i këtyre viktimave janë fëmijë. Civilët palestinezë duhet të mbrohen, pikë”.

Megjithatë, kompania nuk e la palën izraelite të padëgjuar: “Ne mbetemi zemërthyer nga sulmi i tmerrshëm terrorist kundër civilëve të pafajshëm në Izrael më 7 tetor, shumë prej tyre edhe fëmijë. Nuk ka asnjë situatë ku sulmet ndaj civilëve janë të pranueshme”.

Pas deklarimit të kontekstit, marka përmendi se nuk ishte vetëm për rritjen e ndërgjegjësimit, por diçka duhej bërë.

“Rare Beauty” do të bëjë donacione për Shoqatat Ndërkombëtare të Kryqit të Kuq/Gjysmëhënës së Kuqe – Magen David Adom, & Shoqëria e Gjysmëhënës së Kuqe Palestineze – të cilët po ofrojnë kujdes urgjent në terren. Ne gjithashtu do t’i dhurojmë UNICEF-it për të ndihmuar në marrjen e ndihmës urgjente mjekësore dhe burimeve për fëmijët e Gazës”, thuhej tutje në postimin e markës.

THANK YOU RARE BEAUTY AND THANK YOU SELENA GOMEZ! pic.twitter.com/Ol1uRNqdYC

— ??? ???. (@SEXYLIKESELENUR) November 6, 2023

Pas gjithçkaje që shpjegoi kompania dhe pavarësisht nga argumentet e paraqitura, shumë fansa e akuzuan aktoren se po ‘ndihmonte terroristët’.

“Ky postim është kaq i ngatërruar. Është sikur të kujdeseni për shëndetin tuaj mendor, por ju lejohet të jeni të shëndetshëm mendërisht vetëm nëse ju ‘je palestineze”, ka shkruar një komentues.

Lexo po ashtu E lodhur nga reagimet e ndjekësve, Selena Gomez thotë se po largohet nga Instagrami

Një tjetër fanse e quajti atë një mbështetëse të terrorit: “Ndaloni së mbështeturi terrorin. Hamasi është ISIS dhe përdorni popullin e Gazës si mburojë njerëzore. Përdorni platformën tuaj për të shkuar kundër Hamasit. ju zgjodhët anën e gabuar të historisë” .

Madje disa të tjerët e morën sikur e gjitha të ishte një marifet publicitar, në vend që të duartrokisnin një donacion në një krizë humanitare.

Theksojmë që Gomez është themeluesja dhe drejtoresha e “Rare Beauty”. /Telegrafi/