Saudi Pro League po bën ndryshimin e rregullave që do të dridh klubet evropiane

Klubet evropiane janë të alarmuara pasi kanë dëgjuar për ndryshimin e rregullave të reja në Ligën Pro Saudite.

Futbolli evropian u trondit deri në themel nga bumi i papritur financiar në divizionin saudit në vitin 2023, i cili shkaktoi një eksod masiv të disa prej lojtarëve më të mëdhenj të kontinentit.

Me kufizimet fiskale praktikisht inekzistente në ligë, e cila përmban disa klube të financuara nga qeveria arabe dhe shumë ambicioze, ekziston frika se këto eksode mund të bëhen një dukuri vjetore.

Lexo po ashtu “Molla nuk bie larg nga pema” - Cristiano Jr. mahnitë me ekzekutimin e gjuajtjes së lirë

Si një goditje për klubet në të gjithë Evropën, Liga Pro Saudite ka rritur kufirin e lojtarëve të huaj të lejuar në çdo klub. Këtë sezon, kufiri është tetë, por sezonin e ardhshëm do të rritet në 10, duke u dhënë skuadrave më shumë nxitje për të nxjerrë talente nga i gjithë Mesdheu, raporton MailSport.

Ndryshimi i rregullit vjen me një paralajmërim të rëndësishëm: të paktën dy nga 10 lojtarët e huaj të lejuar në çdo skuadër duhet të jenë të lindur në vitin 2003 ose më pas. Çfarë do të thotë kjo është se klubet saudite ka të ngjarë të përqendrohen në kapjen e talentëve të mrekullueshëm.

Verën e kaluar, mbi 700 milionë euro u shpenzuan nga klubet saudite për disa nga emrat më të mëdhenj të futbollit evropian, duke përfshirë Karim Benzeman, Neymarin, N’Golo Kanten dhe Sadio Mane, megjithëse kishte një mungesë të dukshme të ardhjeve të moshës nën 30 vjeç. /Telegrafi/