Sassuolo e mërzitur me Juventusin – njofton se Berardi nuk do të shitet

Drejtori i Sassuolos, Giovanni Carnevali është ‘i mërzitur’ me Juventusin, pasi këta të fundit kontaktuan Domenico Berardin pa folur me klubin, ndërsa konfirmoi se anësori italian nuk do të transferohet në Torino.

Berardi ishte shfaqur si objektivi kryesor i Zonjën e Vjetër, por Sassuolo tani ka vendosur të heqë yllin e tyre nga lista e shitjes.

“Kishte një parim negocimi, Juventusi kishte treguar interesin e tyre dhe ne ishim të hapur për të shitur 10 ditë më parë sepse Domenico ishte i interesuar për një lëvizje”.

“Ne kurrë nuk kemi marrë një ofertë zyrtare. Ne ishim të gatshëm të dëgjonim ofertën e Juventusit duke e ditur se çmimi ishte mbi 30 milionë euro. Ne donim të kënaqnim Berardin, por nuk mund të anashkalojmë nevojat tona. Ne nuk donim të përfshinim asnjë lojtar në marrëveshje sepse tashmë kemi ndryshuar shumë. Ne kishim gjetur tashmë një zëvendësues”, ka thënë Carnevali për Gazzetta.

Drejtori i Sassuolos vazhdoi intervistën duke treguar se afat i kalimit të Berardit në Juventus ka skaduar.

“Afati i fundit ishte 17 gushti, sepse pas kësaj date ne nuk mund të nënshkruanim më zëvendësimin e tij. Isha i qartë me Cristiano Giuntolin dhe shoqëruesit e lojtarit, duke thënë se nuk mund të kishim shkuar përtej asaj date”.

Lexo po ashtu Juventusi arrin marrëveshje me Berardin

“Jam shumë i mërzitur sepse kemi qenë gjithmonë në dispozicion. Ne gjithmonë përpiqemi të kënaqim lojtarët tanë dhe të ndajmë vendimet tona me ta dhe do të ishte më mirë të flisnim me Sassuolon më parë sesa me agjentët e Berardit. AI nuk do të largohet dhe vendimi është marr”, deklaroi ai.

Sassuolo bën debutimin e tyre në Serie A 2023-24 të dielën kundër Atalantas, por Berardi nuk do të jetë i disponueshëm, pasi ka 10 ditë që stërvitet veçmas.

Lexo po ashtu Juventusi i bashkohet garës për Berardin, italiani shihet si zëvendësues i Di Marias

Anësori italian zgjati kontratën e tij me Sassuolon një vit më parë deri në qershor 2027. /Telegrafi/