Sam Altman thotë se është e mundur që të ketë keqkuptime pas rregullave të reja të inteligjenës artificiale, por se nuk duhet të ketë frikë

Drejtori ekzekutiv i krijuesit të ChatGPT OpenAI të hënën tha se ishte e mundur të bëhej gabim rregullimi, por kjo është e rëndësishme dhe nuk duhet pasur frikë, mes shqetësimeve globale për përparimet e shpejta në inteligjencën artificiale ose nga vetë teknologjia.

Shumë vende po planifikojnë rregullimin e inteligjencës artificiale dhe Britania po pret një samit global të sigurisë së inteligjencës artificiale në nëntor, duke u fokusuar në të kuptuarit e rreziqeve të paraqitura nga teknologjia e re dhe se si mund të mbështeten kornizat kombëtare dhe ndërkombëtare.

Sam Altman, drejtori ekzekutiv dhe fytyra publike e startup-it OpenAI, i mbështetur nga Microsoft, gjatë një vizite në Taipei deklaroi se megjithëse nuk ishte aq i shqetësuar për mbi rregullimin nga ana e qeverisë, kjo mund të ndodhte, raporton Reuters, transmeton Telegrafi.

“Unë shqetësohem gjithashtu mbi nën-rregullimin. Njerëzit në industrinë tonë kundërshtojnë rregullimin shumë. Ne kemi bërë thirrje për rregullim, por vetëm për sistemet më të fuqishme,” tha ai.

“Modelet që janë 10,000 herë më shumë se GPT4, modele që janë aq të zgjuara sa qytetërimi njerëzor, çfarëdo qoftë, ato ndoshta meritojnë një rregullim”, shtoi Altman, duke folur në një ngjarje të inteligjencës artificiale të organizuar nga fondacioni bamirës i Terry Gou, themeluesit të Foxconn, furnizuesit kryesor të Apple.

Altman tutje bëri të ditur se në industrinë e teknologjisë ekziston një “gjë refleksive kundër rregullimit”.

“Është e mundur të gabojmë rregulloren, por nuk mendoj se ne ulemi dhe i frikësohemi. Në fakt ne mendojmë se një version i tij është i rëndësishëm”, vazhdoi ndër të tjera Altman. /Telegrafi/