Sa herë që City i Guardiolës i afrohet fitimit të Ligës së Kampionëve, rikthehet edhe “mallkimi shaman” – por duket se kanë ndryshuar gjërat

Pep Guardiola është ‘liruar nga mallkimi afrikan’ që po e pengonte atë të fitonte Ligën e Kampionëve me Manchester Cityn – sipas njeriut që e zbuloi këtë gjë.

Dimitri Seluk, ish-agjenti i ish-mesfushorit të Citizens, Yaya Toure , këmbënguli në vitin 2018 se shamani afrikan i ka bërë një mallkim spanjollit për ta ndaluar atë të fitonte çmimin kryesor të futbollit evropian në Etihad Stadium.

Seluk bëri deklaratën e tij duke vënë në pikëpyetje më parë qasjen e Guardiolës për përzgjedhjen e lojtarëve afrikanë.

Lexo po ashtu Lëvizje e paparashikueshme e Guardiolas para duelit me Real Madridin në Ligën e Kampionëve

Kur City në mënyrë famëkeqe dështoi të festojë ditëlindjen e Toures në vitin 2014, ukrainasi tha: “Ditën që ai (Guardiola) zgjedh një ekip me pesë afrikanë në të, unë premtoj se do t’i dërgoj një tortë”.

Marrëdhëniet midis Seluk dhe klubit nga Mançesterit u tensionuan veçanërisht kur agjenti bëri komentet e tij në lidhje me mallkimin, duke pasur parasysh se Toure bëri vetëm një paraqitje në Ligën Premier gjatë sezonit të tij të fundit nën Guardiolën.

Ndërsa dukej se ishte thjesht një deklaratë boshe, miti i mallkimit është rritur me kalimin e viteve, pasi Liga e Kampionëve ka mbetur i vetmi trofe i madh që i ka shpëtuar Guardiolës gjatë kohës së tij në City.

Me City të vendosur për të rifilluar kërkimin e tyre për lavdinë e Ligës së Kampionëve kundër Real Madridit në ndeshjen e parë gjysmëfinale të së martës, Seluk foli për The Mirror për mallkimin dhe pranoi se kishte ardhur koha për të ecur përpara.

Duke pretenduar të flasë në emër të ish-klientit të tij, Seluk deklaroi: “Dua të kërkoj falje për këtë çështje. Mendoj se është koha që ky hidhërim të ndalet – dhe e di që Yaya ndihet njësoj sepse ai nuk dëshiron asgjë tjetër përveç suksesit për Cityn”.

“Mund të them se magjia tani është hequr nga shamanët – dhe se mendoj se City do të fitojë Ligën e Kampionëve nën drejtimin e Pep”.

Lexo po ashtu Ancelotti i dërgon mesazh Guardiolas dhe lojtarëve të Man Cityt para ndeshjes së parë gjysmëfinale

“Ata kanë një shans të mirë për ta fituar këtë vit. Por, çfarëdo që të ndodhë, ata patjetër do ta fitojnë atë në tre vitet e ardhshme”, ka vazhduar më tej ai.

Ideja se komentet e Seluk u miratuan nga Toure u hodhën poshtë shpejt nga Ivoriani, i cili aktualisht punon si trajner i akademisë në Tottenham.

39-vjeçari e quajti fjalën për një mallkim afrikan si ‘të pakuptimta’, duke theksuar se stereotipi ishte i dëmshëm në një postim në Twitter. /Telegrafi/