Ministria e Drejtësisë e cila udhëhiqet nga ministrja Albulena Haxhiu dhe zëvendësi i saj Blerim Sallahu, në gjashtë muajt e parë të këtij viti, kanë shpenzuar 5 mijë e 384 euro.
Sipas të dhënave që ka siguruar Telegrafi nga qasja në dokumentet publike, Haxhiu dhe Sallahu më së shumti para harxhuan për dreka zyrtare, gjithsejtë 2 mijë e 407 euro.
Nga to 1 mijë e 966 i ka shpenzuar vetëm ministrja Haxhiu, ndërkaq zëvendësministri Sallahu shpenzoi 440 euro.
Shpenzimet Ministria e Drejtësisë brenda gjashtë muajve/Grafika dhe dizajni: Endrit Dallaveraj/Telegrafi.com
Pas drekave zyrtare, një shumë e konsiderueshme e parave u shpenzuan edhe për naftë.
Sipas të dhënave, kabineti i ministres Albulena Haxhiu nga janari deri në qershor, ka shpenzuar 3 mijë e 100 euro për naftë.
Haxhiu dhe Sallahu harxhuan edhe para për telefon. Shpenzimet e tyre për telefon për gjashtë muaj i kanë kushtuar buxhetit të shtetit 582 euro.
Shpenzimet Ministria e Drejtësisë brenda gjashtë muajve/Grafika dhe dizajni: Endrit Dallaveraj/Telegrafi.com
Për akomodim jashtë vendit, Haxhiu dhe Sallahu shpenzuan 597 euro, ndërkaq për shpenzime tjera gjatë udhëtimeve zyrtare ata shpenzuan 541 euro, shkruan Telegrafi.
Shpenzimet Ministria e Drejtësisë brenda gjashtë muajve/Grafika dhe dizajni: Endrit Dallaveraj/Telegrafi.com
Brenda periudhës janar-qershor, ministrja Albulena Haxhiu mori 370 euro për mëditje, kurse zëvendësministri Blerim Sallahu mori 240 euro. Për bileta ata shpenzuan vetëm 646 euro./Telegrafi/
Shpenzimet Ministria e Drejtësisë brenda gjashtë muajve/Grafika dhe dizajni: Endrit Dallaveraj/Telegrafi.com
