Rriten shitjet e sapunit për telefonat celularë

Shitjet e sapunit për telefonat celularë janë rritur shumë në lidhje me frikën e coronavirusit, me prodhuesit që pretendojnë se sapuni është efektiv në vrasjen e virusit të ri nga i cili ka frikë e gjithë bota.

Çfarëdo që prekni me duar mund ta transferoni në celularin tuaj dhe kështu ta bëni atë një roje bakteriale.

Ndërsa numri i të sëmurëve nga coronavirusi po rritet nga çasti në çast, gjithnjë e më shumë njerëz janë të interesuar ta mbajnë të pastër celularin e tyre, dhe tani një pajisje pastrimi është bërë më e popullarizuar se më parë, raporton CNN.

Shitjet e PhoneSoap janë rritur 20 herë në muajin e fundit sesa në të njëjtën kohë vitin e kaluar.

Ky produkt pastron celularin duke e “larë” atë në rrezet UV, por ende nuk dihet nëse është efektiv në vrasjen e virusit SARS-CoV-2, i cili shkakton COVID-19.

Kompania shiti pajisjet e saj në fillim të marsit, dhe tani merr para-porositë për pajisjet që do të dërgojnë te klientët midis datës 15 prill dhe 30 qershor.

“Coronavirusi ka ndihmuar në rritjen e ndërgjegjësimit se celularët mund të jenë ‘dyqane’ bakteriale dhe se është e rëndësishme t’i pastroni siç duhet”, thotë Den Barnes, bashkëthemeluesi i kompanisë.

Linja “PhoneSoap” përfshin gjithashtu pajisjen “PhoneSoap3” – një kuti me dritë UV që mund të përshtatet çdo lloj telefoni celular.

Kompania gjithashtu shet një pajisje të re, të quajtur “HomeSoap”, e cila mund të përshtatet me pajisje të shumta. /KP/Telegrafi/