Një aeroplan tip Falcon 50, që transportonte Shefin e Shtabit të Përgjithshëm të Libisë, është rrëzuar pranë Ankarasë, në Turqi, duke shkaktuar humbjen e jetës së udhëheqësve të lartë ushtarakë që ndodheshin në bord, raportojnë mediat lokale.

Sipas burimeve, më herët gjatë së njëjtës ditë, Mohammed Ali al-Haddad kishte zhvilluar takime në Turqi me zyrtarë të lartë ushtarakë.

Pas incidentit, autoritetet turke mbyllën përkohësisht hapësirën ajrore mbi Ankara si masë sigurie.

Autoritetet turke kanë konfirmuar zyrtarisht rrëzimin e aeroplanit dhe njoftuan se forcat e sigurisë kanë arritur në vendin e rrënojave.

Gjithashtu, bëhet e ditur se janë gjetur pjesë të aeroplanit në zonën e Haymanas, ku dyshohet se ka ndodhur rrëzimi.

Hetimet për shkaqet e aksidentit ajror janë në vijim, ndërsa priten informacione të tjera zyrtare nga autoritetet përkatëse. /Telegrafi/



TurqiaBallkanBotë